Ezra 7:1 - Tedim Bible

¹ Hih thu teng khit ciangin Persia kumpipa Artakzaksis uk hun sungin Ezra, a pa Seraiah, a pa Azariah, a pa Hilkiah,

Tedim Bible Revision 2017

¹ Hih thu teng khit ciangin Persia kumpi Artakzaksis uk hun sungin Ezra, a pa Seraiah, a pa Azariah, a pa Hikiah,

Ezra 7:1 Referans Kwoze

Nehemiah 2:1

Kei pen kumpipa’ anpiapa ka hi hi. Kumpi Artakzaksis’ kum sawmnihna Nisan kha sungin khatvei, a leenggahzu a baihsa-in a om khit ciangin la-in kumpipa ka pia a, ama mai-ah ka om lai takin ka mai a khing hi.

Ezra 7:21

“Tua hi a, kumpipa keimah Artakzaksis in Eufrates gungal gam sunga kumpi vankemte khempeuh tungah hih bangin thu ka pia hi: Vantung Pasian’ thukham a siam lai a thei, siampi Ezra in note tung panin a kisapna hong nget ciangin,

Ezra 7:12

“Kumpite’ kumpi ahi Artakzaksis kiang panin vantung Pasian’ thukham a siam, siampi hi-in lai theipa lah ahi Ezra tungah:

Ezra 6:14

Tua hi a, kamsang Haggai leh Iddo’ suan Zekhariah’ thugenkholhna hangin Judah upate in a inn lam uh zom suakin mavang uh hi. Israel Pasian’ sawlna leh Persia kumpi Sairas leh Darias leh Artakzaksis-te’ thupiakna tawh amaute in a inn lam uh a zo uh hi;

2 KUMPI NIHNATE 22:4

“Kong cingte in mite tung panin a khop uh ahi Topa’ inn sungah hong kipaipih sum phazah a theih nadingin siampi lianpa Hilkiah kiangah paito in;

Ezra 7:10

Bang hang hiam cih leh Ezra in Topa’ thukham a sin ding, a zui ding, leh Israel mite a hilh dingin amah kipia hi.

2 KHANG TANGTHU NIHNATE 34:15

Tua ciangin Hilkiah in lai-atpa Shafan kiangah, “Topa’ inn sungah thukham laibu ka mu hi,” ci hi; tua ciangin Hilkiah in Shafan tungah a laibu pia hi.

2 KHANG TANGTHU NIHNATE 34:9

Siampi lianpa Hilkiah kiangah amaute hong pai uh a, kongcingte ahi Levi mite in Manasseh leh Efraim leh Israel a om laite khempeuh leh Judah leh Benjamin khempeuh leh Jerusalem a, teeng mite tung panin a khop ahi, Pasian’ innah hong kipaipih sumte pia uh hi.

1 KHANG TANGTHU MASATE 9:11

leh Pasian’ inn sung a ukpipa Ahitub’ tapa Marioth, a tapa Zadok, a tapa Meshullam, a tapa Hilkiah’ tapa Azariah:

2 KUMPI NIHNATE 25:18

Tua ciangin a cingte a ukpa in siampi lianpi Seraiah, leh siampi nihna Zefaniah, leh kong a cing mi thumte la hi;

2 KUMPI NIHNATE 22:8

Tua ciangin siampi lianpa Hilkiah in lai-atpa Shafan kiangah, “Topa’ inn sungah thukham laibu ka mu khin hi,” a ci hi. Tua ciangin Hilkiah in Shafan kiangah a laibu pia a, amah in sim hi.

Ezra 7:2

a pa Shallum, a pa Zadok, a pa Ahitub,

Ezra 4:7

Tua ciangin Persia kumpi Artakzaksis hun ciangin Mithredath, Tabeel leh a lawmte uh thukimna tawh kumpipa tungah laigelh uh a, a lai pen Aram lai-in kigelh a, Aram pau mahin kisim khia hi.

Nehemiah 8:1

Tua ciangin Tui kongpimai tualpi ah mi khempeuh khe khat khai bangin hong kikhawmtuah diam hi; tua ciangin Topa in Israel mite tungah a piak ahi, Moses’ thukham laibu pen lai theipa Ezra in hong paipih nadingin gen uh hi.