Ezra 6:9 - Tedim Bible

⁹ Vantung Pasian’ tungah meihal biakna-in piak dingin a kisam khempeuh— bawngtalnote, tuutalte, ahih kei leh tuunote na pia ding uh a, Jerusalem-a siampite’ hong ngetna bangin mangbuh, ci, leenggahzu, ahih kei leh sathaute, kitasam loin ni simin amaute tungah pia sak un.

Tedim Bible Revision 2017

⁹ Vantung Pasianʼ tungah meihal biakna-in piak dingin a kisam khempeuh - bawngtal note, tuutalte, ahih kei leh tuunote na pia ding uh a, Jerusalem-a siampiteʼ hong ngetna bangin mangbuh, ci, leenggahzu, ahih kei leh sathaute, kitasam loin nisimin amaute tungah piasak un.

Ezra 6:9 Referans Kwoze

Siampi Laibu 1:10

“Meihal biak nadingin ama letsong in tuu hita leh keel hita leh a hon lak panin ahih leh, amah in a sitbang lo a pa khat pia ding hi;

Marka 9:49

Bang hang hiam na cih leh, mi khempeuh mei tawh cisawh bangin a kisawh ding uh hi.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

1 KHANG TANGTHU MASATE 9:29

Amau adang pawl khatte tutphah sabuaite leh a kituam koih um-le-beel, an neelte, leenggahzute, sathaute, paknamtuite, leh a namtui nate zong a en dingin kiseh hi.

Siampi Laibu 9:2

amah in Aaron kiangah, “Khialhna hanga biak nadingin bawng pano khat leh meihal biak nadingin tuutal khat, a nih tuakin a sitbang lo, la in la, Topa’ mai-ah tuate pia in.

Ezra 6:8

Hih a kigen Pasian’ inn a kilam kik theih nadingin hih Judah upate’ adingin na hih dingte uh zong thu kong pia hi. Hih nasepna a mawk khawl loh nadingin, Eufrates gungal gam sung panin a kingah siahte ahi kumpi sum sung panin beina khempeuh a cingin kipia ding hi.

Ezra 6:10

Tua hi leh amaute in vantung Pasian’ tungah a namtui biaknate pia-in kumpipa leh a tapate’ nuntak nading thu hong ngetsak thei ding uh hi.