Ezra 6:8 - Tedim Bible

⁸ Hih a kigen Pasian’ inn a kilam kik theih nadingin hih Judah upate’ adingin na hih dingte uh zong thu kong pia hi. Hih nasepna a mawk khawl loh nadingin, Eufrates gungal gam sung panin a kingah siahte ahi kumpi sum sung panin beina khempeuh a cingin kipia ding hi.

Tedim Bible Revision 2017

⁸ Hih a kigen Pasianʼ biakinn a kilamkik theih nadingin hih Judah upate adingin na hih dingte uh zong thu kong pia hi. Hih nasepna a mawk khawl loh nadingin, Eufratis Gun gal gam sung panin a kingah siahte ahi kumpi sum sung panin beina khempeuh a cingin kipia ding hi.

Ezra 6:8 Referans Kwoze

Ezra 6:4

a kawm pen suang thuap thum leh sing thuap khat tawh a kibawl thuap li hi ding hi; hih sum beinate ahih leh kumpi sum panin kipia ding hi.

Haggai 2:8

Leitunga om ngun leh kham khempeuh in keima aa ahi hi.

Ezra 5:5

Ahi zongin Judah upate in Pasian’ vilna sungah nasem hi uh a, Darias’ kiangah a thu va tungin ama tung panin thu a kingah kik hun dong a nasep zomna uh kikhaktan lo hi.

Ezra 4:23

Menzipipa Rehum, lai-at Shimshai, leh amau’ lawmte’ zakna ah kumpi Artakzaksis tung panin a kingah lai a kisim ciangin, Jerusalem ah amaute pai pahin Judah mite a nasep uh zawhthawh thu tawh khawlsak uh hi.

Ezra 4:16

Hih khuapi kilam kikna a kulhte kizo khin leh Eufrates gungal gam na uk nawn loh nading thu, nangma tungah kong theikhol sak uh hi,” a ci uh hi.

Ezra 6:7

Judah mi a ukpa leh a upate in hih Pasian’ inn a lamkik theih nadingun na tua ci omsak ding uh hi; ama mun ngei mah ah a inn lamsak kik un.

Ezra 6:9

Vantung Pasian’ tungah meihal biakna-in piak dingin a kisam khempeuh— bawngtalnote, tuutalte, ahih kei leh tuunote na pia ding uh a, Jerusalem-a siampite’ hong ngetna bangin mangbuh, ci, leenggahzu, ahih kei leh sathaute, kitasam loin ni simin amaute tungah pia sak un.

Ezra 7:14

Nang tungah hong kipia ahi na Pasian’ thukham tawh kisai-in Judah leh Jerusalem ah thu bangci om hiam cih a va thei dingin kumpipa keimah leh thu hong lamlak mihing sagihte in kong sawl uh hi.

Nehemiah 11:23

Tuate beh in kumpipa’ thupiakna tawh nasem uh a, tua lasate in ni simin na a sep ding uh kisam hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Ezra 6:14

Tua hi a, kamsang Haggai leh Iddo’ suan Zekhariah’ thugenkholhna hangin Judah upate in a inn lam uh zom suakin mavang uh hi. Israel Pasian’ sawlna leh Persia kumpi Sairas leh Darias leh Artakzaksis-te’ thupiakna tawh amaute in a inn lam uh a zo uh hi;

Nehemiah 2:8

leh biakinn hut nading mun muanhuai kongpi ding, leh khuapi kulh ding, leh ka om nading inn lam nadingin sing hong piak theih nadingin kumpipa’ tulak a kem Asaf tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.