Ezra 6:4 - Tedim Bible

⁴ a kawm pen suang thuap thum leh sing thuap khat tawh a kibawl thuap li hi ding hi; hih sum beinate ahih leh kumpi sum panin kipia ding hi.

Tedim Bible Revision 2017

⁴ a kawm pen suang thuap thum le sing thuap khat tawh a kibawl, thuap li hi ding hi. Hih sum beinate ahihleh kumpi sum panin kipia ding hi.

Ezra 6:4 Referans Kwoze

1 KUMPI MASATE 6:36

Amah in a kiseek suang gual thum leh taamtaak sing gual khat tawh atual sungnung bawl hi.

Late 68:29

Jerusalem-a na biakinn hangin kumpite in nang tungah letsong hong puak uh hi.

Mangmuhna 12:16

Lei in numei huh a, gulpi in a kam sungpan a suahsak gunpi pen a kam ka-in a valh hi.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

Late 72:10

Tarshis kumpite leh tuikulh neu-a kumpite in ama tungah siah pia uh hen la, Sheba leh Seba kumpite in letsong puak ta uh hen!

Ezra 6:8

Hih a kigen Pasian’ inn a kilam kik theih nadingin hih Judah upate’ adingin na hih dingte uh zong thu kong pia hi. Hih nasepna a mawk khawl loh nadingin, Eufrates gungal gam sung panin a kingah siahte ahi kumpi sum sung panin beina khempeuh a cingin kipia ding hi.

Ezra 3:7

Tua hi a, amaute in suangseekte leh khutsiamte tungah sum pia uh a, Persia kumpipa Sairas’ tung panin a thu ngahna bangun Lebanon mualtung gam panin tuipi gei Joppa khua ah taamtaak singte a hong puaksuk ding Sidon khuamite leh Tai-ar khuamite tungah zong annek tuidawn leh sathau a pia uh hi.

Ezra 5:8

Judah gam, alian Pasian’ innah ka va paina uh kong theisak uh hi. Tua inn pen suang lianpite tawh kilamin a kawmte sing tawh kibawl hi; hih inn lim takin kisemin amau’ makaihna tawh a nasep uh telh mahmah uh hi.