Ezra 6:3 - Tedim Bible

³ “Kumpi Sairas’ kum khatna kumin Jerusalem khua a, Pasian’ inn tawh kisai-in kumpipa in hih thu pia hi: Biakna kipia-in meihal biakna a kipaipihna munah inn lamsak kik un; a mai panin a san’na tong sawmguk, a vai tong sawmguk mah hi ding a,

Tedim Bible Revision 2017

³ “Kumpi Sairasʼ kum khatna kumin Jerusalem khua-a Pasianʼ biakinn tawh kisai-in kumpipa in thu pia hi: Biakna kipia-in meihal biakna a kipaipihna munah biakinn lamsakkik un. A sanna pi sawm kua, a vai pi sawm kua mah hi dinga,

Ezra 6:3 Referans Kwoze

2 KHANG TANGTHU NIHNATE 36:22

Tu-in Persia kumpipa Sairas’ kum khatna kumin, Jeremiah’ kam pana Topa’ thugen a tangtun’ theih nadingin, Topa in Persia kumpipa Sairas’ lungsim hanthawn a, amah in a kumpigam sung khempeuh ah taangkona khat bawl a, lai-in zong gelh hi.

Mangmuhna 21:16

Tua khuapi in kiu li nei-in om a, a dung a vai a kikim hi. Tua pumpeeng tawh khuapi a teh ciangin tai tulkhat leh zanga a pha hi. Khuapi a dung, a vai, a san’na a kikim hi.

2 KHANG TANGTHU NIHNATE 2:6

Ahih hangin vantung, a sangpen vantung nangawn in amah huam zo lo ahih manin ama adingin kua in inn lam zo ding ahi hiam? Ama mai-ah paknamtui hal nading cih sim loh ama adingin inn a lamsak dingin kei in kua ka hi hiam?

Ezra 1:1

Persia kumpipa Sairas’ kum khatna kumin, Jeremiah’ tung tawnin Topa’ thugen a tun’ theih nadingin, ama gam sung khempeuh ah tangkona khat bawlin lai-in zong a gelh nadingin Persia kumpipa Sairas’ lungsim ah Topa in suak sak hi. Amah in hih bangin hih hi:

Ezra 3:7

Tua hi a, amaute in suangseekte leh khutsiamte tungah sum pia uh a, Persia kumpipa Sairas’ tung panin a thu ngahna bangun Lebanon mualtung gam panin tuipi gei Joppa khua ah taamtaak singte a hong puaksuk ding Sidon khuamite leh Tai-ar khuamite tungah zong annek tuidawn leh sathau a pia uh hi.

2 KHANG TANGTHU NIHNATE 2:3

Tua ciangin Solomon in Tai-ar kumpi Huram’ kiangah thu puak a: “Teen nading inn khat a lam nadingin ka pa David tungah taamtaak sing na puak mah bangin kei tungah zong hong puak in.

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.

Ezra 6:14

Tua hi a, kamsang Haggai leh Iddo’ suan Zekhariah’ thugenkholhna hangin Judah upate in a inn lam uh zom suakin mavang uh hi. Israel Pasian’ sawlna leh Persia kumpi Sairas leh Darias leh Artakzaksis-te’ thupiakna tawh amaute in a inn lam uh a zo uh hi;