Ezra 6:12 - Tedim Bible

¹² Hih ka thupiakna a siasak nuam, Jerusalem a, Pasian’ inn a susia nuam kumpi khatpeuh ahi a, mi khatpeuh ahi zongin a om leh, ama min om nading a, tua mun a bawl Pasian in tua mipa lawnthal ta hen. Keimah Darias in thu kong pia hi; ka thupiak bang tektekin sep ding ahi hi,” a ci hi.

Tedim Bible Revision 2017

¹² Hih ka thupiakna a siasak nuam, Jerusalem-a Pasianʼ biakinn a susia nuam kumpi khatpeuh ahi a, mi khatpeuh ahi zongin a om leh, ama min omna dinga tua mun a bawl Pasian in tua mipa lawnthal tahen. Keimah Darias in thu kong pia hi. Ka thupiak bang teekteekin sep ding ahi hi,” a ci hi.

Ezra 6:12 Referans Kwoze

1 KUMPI MASATE 9:3

Topa in ama kiangah, “Keima mai-ah na hihsa na thungetna leh na thuumna ka za khin hi; na lamsa hih inn ka ap khin a, a tawntungin keima min kemin ka kipsak ding hi; a tawntungin tua ka hu ding hi.

Thu-hilhkikna 12:5

Topa na Pasian un na minam khempeuh uh sung panin ama min koih nadingin teelin, ama om nadinga a bawlna mun na zong ding uh hi;

Thu-hilhkikna 12:11

Topa na Pasian un ama min a teen’ nading muna a teelna munah note kong sawl khempeuh na paipih ding uh hi; na meihal biaknate uh leh na biak piaknate uh, note in na piakna sehsawm suah sehkhat uh leh na piakte uh leh Topa tungah na ciam uh na thuciam piaknate uh na paipih ding uh hi.

Paikhiatna 20:24

Note in keima' adingin lei tawh kibawl biakna tau khat na bawl ding uh a, tua tungah na meihal biaknate uh leh thunuam-a na biaknate uh, na tuute leh na bawngtalte uh pia un; keima' min a kiphawk nading mun-a ka bawlna peuhmah-ah note' kiangah keimah hong pai-in note thupha kong pia ding hi.

Sawltak 9:5

Saul in, “Topa aw, kua na hi hiam?” ci-in a dong hi. Zeisu in, “Na hong bawlsiat Zeisu ka hi hi, ciang hiam na khe tawh peek leteh a haksa hi;

Obadiah 1:10

Bang hang hiam cih leh, na sanggampa Jakob bawlsia-a na thahna hangin; mai zumna in nang hong khuh ding a, na khan tawnin na mangthang ding hi.

Isaiah 60:12

Bang hang hiam cih leh nangma na hong sem lo minam leh kumpi gam beimang ding hi; tua minamte kisia maimang ding hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

Late 5:10

Pasian aw, a mawhna uh amau thuak sak in la, amau thu mah tawh amau puksak in; amaute in nangmah hong lehdo uh ahih manin amau mawhna tampite hangin amau paaikhia in.

Esther 8:14

Tua ahih ciangin kumpipa’ sakolte’ tungah laitaite tuangin kumpipa’ thu-kin sawl mah bangin nawh tai uh hi; tua ciangin Susa khuapi sungah zong tua thupiakna lai kihawm hi.

2 KHANG TANGTHU NIHNATE 7:16

Bang hang hiam cih leh a tawntungin ka min a om theih nadingin keimah in hih inn teelin ka ap khin hi; ka mitte leh ka lungsim a tawntungin tua lai-ah om ding hi.

Thu-hilhkikna 16:2

Tuuhon pan ahi a, bawnghon pan ahi zongin Topa in ama min om nadingin a teelna munah Paisan biak piakna Topa na Pasian uh tungah na pia ding uh hi.

Ezra 6:13

Tua ciangin kumpi Darias in amaute tungah a thupiak bang tektekin Eufrates gungal gam sung a uk sawn Tattenai, Shetharbozenai, leh a lawmte in sem uh hi.

Ezra 6:14

Tua hi a, kamsang Haggai leh Iddo’ suan Zekhariah’ thugenkholhna hangin Judah upate in a inn lam uh zom suakin mavang uh hi. Israel Pasian’ sawlna leh Persia kumpi Sairas leh Darias leh Artakzaksis-te’ thupiakna tawh amaute in a inn lam uh a zo uh hi;

Ezra 7:15

Kumpipa leh a thu lamlakte in lungkim takin Jerusalem ah a teeng Israel Pasian tungah a piak ngun leh khamte zong,

Ezra 7:26

Na Pasian’ thukham leh kumpipa’ thukham a mang lo peuhmah, sihna ahi a, hawlkhiatna ahi a, neihsa matna ahi a, thongkiatna ahi zongin, a ngah ding a kilawm thukhenna tawh khauh takin dan kitat ding hi,” a ci hi.

Ezra 7:17

Hih ka thupiakna tawh kizui-in hih sumte pen Jerusalem a, note’ Pasian inn-a biakna tau tungah piak dingin bawngtalte, tuutalte, tuunote, leh a an tawh biaknate leh a leenggahzu tawh biak nadingte lei nading bekin na zang ding uh hi.