Ezra 6:10 - Tedim Bible

¹⁰ Tua hi leh amaute in vantung Pasian’ tungah a namtui biaknate pia-in kumpipa leh a tapate’ nuntak nading thu hong ngetsak thei ding uh hi.

Tedim Bible Revision 2017

¹⁰ Tua hileh amaute in vantung Pasianʼ tungah a namtui biaknate pia-in kumpipa le a tapateʼ nuntak nading thu hong ngetsak thei ding uh hi.

Ezra 6:10 Referans Kwoze

Jeremiah 29:7

Note sal-a kong koihna khuapi’ phattuam nading bawl un la, tua khuapi adingin Topa tungah thu ngetsak un. Bang hang hiam cih leh tua khuapi in phattuamna a ngah leh no zong phattuamna a ngah mah na hi uh hi.

Ezra 7:23

Vantung Pasian in a deih peuhpeuh, vantung Pasian’ inn adingin lim takin hih un; tua hi kei leh kumpipa’ tapate leh kumpigam tungah amah hong heh kha ding hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Siampi Laibu 1:13

ahih hangin a sungkuate leh a khete amah in tui tawh sil ding hi. Siampipa in a vekpi-in pia-in, biakna tau tungah tuate hal ding hi; tua pen Topa adingin a gim namtui, mei tawh kihal biakna, meihal biakpiakna ahi hi.

Siampi Laibu 1:9

ahih hangin a sungkuate leh a khete tui tawh sil ding hi. Tua ciangin siampipa in mei tawh kihal biakna, Topa adingin a gim namtui, meihal biakna-in biakna tau tungah tuate a vekpi-in hal ding hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Ezra 6:9

Vantung Pasian’ tungah meihal biakna-in piak dingin a kisam khempeuh— bawngtalnote, tuutalte, ahih kei leh tuunote na pia ding uh a, Jerusalem-a siampite’ hong ngetna bangin mangbuh, ci, leenggahzu, ahih kei leh sathaute, kitasam loin ni simin amaute tungah pia sak un.

Daniel 2:46

Tua ciangin Nebukhadnezzar kumpipa in Daniel’ mai lei lakah kun sukin, Daniel tungah sagawh biakna leh namtui biakna piakna bawl dingin thu a pia hi.

Paikhiatna 12:32

Na gensa bangun na tuuhonte uh leh na bawnghonte uh la un la, pai un; kei zong thupha hong pia un,” a ci hi.

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.