Ezra 5:16 - Tedim Bible

¹⁶ Tua ciangin Sheshbazzar hong pai-in Jerusalem a, Pasian’ inn a bulpi hong phut hi; tua huna kipanin tu dong inn lamkik kisem suak a, ahi zongin kizo nai lo hi,’ a ci uh hi.

Tedim Bible Revision 2017

¹⁶ Tua ciangin Sheshbazzar hong pai-in Jerusalem-a Pasianʼ biakinn a bulpi hong phut hi. Tua hun a kipanin tu dong lamkik kisem suak a, ahi zongin kizo nai lo hi,’ ci uh hi.

Ezra 5:16 Referans Kwoze

Ezra 6:15

tua hi a, kumpi Darias’ kum gukna, Adar kha a ni sawmnih-le-thum ni-in a inn kizo hi.

Ezra 3:10

Innlamte in Topa’ biakinn a bul a phuh uh ciangin, Israel kumpipa David in a geel kholhsa bangin Topa a phat dingin siampite in a puan uh silhin peengkul tawh, Asaf tapa Levi mite in daltuah tawh a panmun ding uhah hong pang uh hi;

Ezra 3:8

Amaute, Jerusalem a, Pasian’ innah hong ciahkik uh a kum nihna, tua kum a kha nihna sungin Shealtiel’ tapa Zerubbabel leh Jozadak’ tapa Jeshua in nasep kipan uh a, ama Israel mipihte, siampite leh Levi mite leh salsuahna panin Jerusalem ah a hong ciahkik mite khempeuh in huh uh hi. Amaute in Levi mite kum sawmnih panin a tungsiah peuhmah Topa’ inn sungah biakna nasepte a vaan dingin seh uh hi.

Zekhariah 4:10

A ma uh a telh loh manin ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte in, leitung khempeuh a etna Topa’ mittang sagih ahi hi,” hong ci hi.

Haggai 2:18

Tu-in, kha kuana a ni sawmnih leh nili ni, biakinn bulpi a kiphuh khit, tu ni-a kipanin lim takin ngaihsun un.

Ezra 5:2

Tua ciangin Shealtiel’ tapa Zerubbabel leh Jozadak’ tapa Jeshua in Jerusalem a, Pasian’ inn lamkik ding kipan pah uh a, Pasian’ kamsangte in amaute ompihin huh uh hi.

Johan 2:20

Judah mite in, “Hih biakna innpi kum sawmli leh kum guk tawntung kilam hi. Ni thum bek lam ding na hi hiam?” a ci uh hi.

Ezra 5:14

Tua tham loin Jerusalem a, biakinn sung panin Nebukhadnezzar in la-in Babilon biakinn sunga a koih ahi Pasian’ inn sunga kham leh ngun tawh kibawl um-le-beelte zong kumpipa Sairas in Babilon biakinn panin la khia-in gam uk a, a hong koih Sheshbazzar min neipa tungah ap hi;

Ezra 5:15

kumpipa in ama tungah, “Hih um-le-beelte paipih in la, Jerusalem a, biakinn ah va koihkik in; tua lai-a Pasian’ inn pen a mun ngei mah ah lamkik sak in,” ci hi.

Zekhariah 4:9

Amah in, “Zerubbabel in biakinn bulpi phut khin a, biakinn lam zong zo ding hi. Tua ciangin ka mite in, amaute kiangah nang kong sawlna thu thei ding uh hi.