Ezra 5:12 - Tedim Bible

¹² Ahi zongin ka pu ka pate un vantung Pasian hehsak kha uh ahih manin Babilon kumpipa, Khaldea mi Nebukhadnezzar’ khut sungah amaute pia hi; tua kumpipa in hih inn susia a, a mite Babilon ah ciahpih hi.

Tedim Bible Revision 2017

¹² Ahi zongin ka pu ka pate un vantung Pasian hehsak kha uh ahih manin Babylon kumpipa, Khaldea mi Nebukhadnezzarʼ khut sungah amaute pia hi. Tua kumpipa in hih biakinn susia a, a mite Babylon ah ciahpih hi.

Ezra 5:12 Referans Kwoze

Daniel 9:5

Kote ka hih uh leh ka gi kei uh a, ka mawh khin uh a, ka khial khin uh hi. Na hong sawlna bang ka mang kei uh a, na thupiakna leh na thukhamte ka taisan khin uh hi.

2 KUMPI NIHNATE 24:2

Tua ciangin kamsangte ahi ama nasemte tung tawnin a gen Topa’ thugenna bangin Judah a susia dingin ama lang khatah Topa in Khaldea mihonte, Siria mihonte, Moab mihonte leh Ammon mihonte sawl hi.

Jeremiah 5:29

Hih thute hangin amaute daantat lo ding ka hi hiam? Topa in ka ci hi. Hih bang minam’ tungah thukkik lo ding ka hi hiam?”

Late 106:40

Tua ciangin ama mite tungah Topa’ hehna hong kikuantawh a, amah in ama luah minamte a kih hi;

2 KUMPI NIHNATE 25:1

Tua ahih manin ama uk a kum kua-na, tua kum a kha sawmna, tua kha a ni sawm ni-in Babilon kumpipa Nebukhadnezzar a galkap khempeuh tawh Jerusalem a sim dingin hong pai-in tua khua umcih uh hi; tua ciangin amaute in a kimkotah umcih nading panmun bawl uh hi.

Thukhente 6:1

Israel mite Topa muhna-ah a sia gamta uh hi; Topa in Midiante’ khut sungah amaute kum sagih sung pia hi.

Thukhente 4:2

Tua ciangin Topa in Hazor-ah a uk, Kanaan kumpipa Jabin khut sungah amaute pia hi; ama galkapte a ukpa pen, Harosheth-ha-goiim-ah a teeng Sisera ahi hi.

Thukhente 2:14

Tua ahih ciangin Israelte tungah Topa’ hehna so a, amaute’ na a sut, mi na a sut thei mite tungah amaute pia hi; a kiim-a om a galte tungah amaute pia a, amaute in a galte uh nang zo nawn lo uh hi.

Thu-hilhkikna 32:30

Amau a Honkhiapa in amaute zuakin, Topa in amaute a piak khiat kei buang leh bangci-in mi khat in mi tulkhat delh mangin, mi nih in mi tulsawm do zo ding ahi hiam?

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.

Jeremiah 52:12

Babilon kumpipa Nebukhadnezzar a maan’ zawh kum sawm leh kum kua a phak kum, a kha ngana, a ni sawm ni-in Babilon kumpipa a cing galkap mangpa Nebuzaradan, Jerusalem khua sungah hong lut hi.

2 KHANG TANGTHU NIHNATE 36:20

Amah in namsau panin a suakta mite Babilon ah salin la a, Persia kumpi in a uk hun mateng amah leh a suan leh khakte’ nasem a suak uh hi.

Isaiah 47:6

Ka mite’ tungah ka heh a, keima luah gamh ka ninsak hi; nangma khut sungah amaute kong pia a, nang in amaute na hehpih kei hi; a khangham mite tungah na hakkol na giksak mahmah hi.

Jeremiah 51:59

Neriah’ tapa, Mahseiah’ tupa, Seraiah in Zedekiah kumpipa’ thuvanpa ahi hi, Kumpipa Zedekiah Judah gamah a maan’ zawh kum li ciangin Seraiah leh kumpipa Babilon-ah a pai uh hi. Tua hun laitakin kamsangpa Jeremiah in Seraiah thu a vaikhak hi,