Ezra 4:7 - Tedim Bible

⁷ Tua ciangin Persia kumpi Artakzaksis hun ciangin Mithredath, Tabeel leh a lawmte uh thukimna tawh kumpipa tungah laigelh uh a, a lai pen Aram lai-in kigelh a, Aram pau mahin kisim khia hi.

Tedim Bible Revision 2017

⁷ Tua ciangin Persia kumpi Artakzaksis hun ciangin Mithredath, Tabeel le a lawmte uh thukimna tawh kumpipa tungah lai gelh uh a, a lai pen Aram lai-in kigelh a, Aram pau mahin kisim khia hi.

Ezra 4:7 Referans Kwoze

2 KUMPI NIHNATE 18:26

Tua ciangin Hilkiah’ tapa Eliakim, leh Shebnah, leh Joah in a ulianpa kiangah, “Kong thum uh hi, kote in thei ka hih manun Aram pau-in na nasemte tungah thu hong gen in; kulh tunga om mite’ zakin Judah pau-in kote tungah hong gen kei in,” a ci uh hi.

Daniel 2:4

Amaute in Aram pau tawh, “Kumpipa aw, na khan’ sau ta hen! Na mang hong gen leteh a khiatna kong gen ding uh hi,” a ci uh hi.

Isaiah 36:11

Tua ciangin Eliakim, Shebna leh Joah in a ulianpa kiangah, “Kote in thei ngawn ka hih manun na nasemte tungah Aram pau tawh hong gen hoh in; kulh tunga om mite’ zakna-ah Judah pau tawh thu nong gen loh nadingin kong thuum uh hi,” ci uh hi.

Ezra 4:17

Tua ciangin kumpipa in hih bangin a lai uh thuk hi: “Menzipipa Rehum, lai-atpa Shimshai, leh Samaria leh Eufrates gungal gam sunga om na lawmte khempeuh uh tungah hopihna lai kong khak hi.

Ezra 4:9

Menzipipa Rehum, lai-at Shimshai, leh a lawmte khempeuh, thukhente, mangpite, thuvante, uliante, Erek khuami leh Babilon khuami, Susa khua-a om Elam mite,

Ezra 5:6

Eufrates gungal gam a uk sawn Tattenai, Shetharbozenai, leh Eufrates gungal gam sung thu a vaan ama lawmte in kumpi Darias’ tungah laikhak uh hi.

Ezra 4:1

Salsuahna panin a hong ciahkik mite in Israel Pasian Topa adingin biakinn khat a lamna thu Judah leh Benjamin mite’ galte in a zak uh ciangin,

Ezra 4:8

Menzipipa Rehum leh lai-atpa Shimshai in Kumpi Artakzaksis tungah Jerusalem tawh kisai thu anuai-a bangin gelh uh hi:

Ezra 8:36

Amaute in, Eufrates Gungal gam sung tenga kumpipa’ nuai-ah a uk sawn a lianpente leh uliante tungah kumpipa’ thupiaknate zong va gen uh hi; tua hi a, amaute in mite leh Pasian’ innlam nasep huh uh hi.

Ezra 7:1

Hih thu teng khit ciangin Persia kumpipa Artakzaksis uk hun sungin Ezra, a pa Seraiah, a pa Azariah, a pa Hilkiah,

Nehemiah 2:1

Kei pen kumpipa’ anpiapa ka hi hi. Kumpi Artakzaksis’ kum sawmnihna Nisan kha sungin khatvei, a leenggahzu a baihsa-in a om khit ciangin la-in kumpipa ka pia a, ama mai-ah ka om lai takin ka mai a khing hi.

Daniel 11:2

“Tu-a na tunga kong gen ding thu in thuman ahi hi. Kumpi thum in Persia gam uk lai ding a, tua banah a lina a hong khang ding hi. Tua pa in a dang teng sangin a hau zaw ding hi. Amah in a hauhpen pen laitak leh a thahat pen lai takin Grik kumpi a to ding hi.