Ezra 4:6 - Tedim Bible

⁶ Ahasu-eras in uk ding hong kipat ciangin Judah gam leh Jerusalem a, teengte’ khiatna thu tua gam a, a na teengsate in lai-in gelh uh hi.

Tedim Bible Revision 2017

⁶ Ahasueras in uk ding hong kipat ciangin Judah gam le Jerusalem-a a teengte a khiatna thu tua gamah a na teeng sate in lai-in a gelh uh hi.

Ezra 4:6 Referans Kwoze

Daniel 9:1

Media mi ahi Ahasu-eras’ tapa Darias in Babilon gam teng a uk hi.

Esther 1:1

Hih lai-a kigen thu piangte pen India gam panin Ethiopia gam dong, gamneu za khat sawmnih-le-sagih a uk Ahasu-eras’ hun lai-a piang thu ahi hi.

Mangmuhna 12:10

Vantung pan nakpi aw khat in: “Tu-in eite Pasian’ gupna-a kipan vangliatna, gam leh ama Khazih’ ukna aana a hong tung zo hi. Bang hang hiam i cih leh, i ute i naute, i Pasian mai-ah sun tawh zan tawh a mawhsak mi in khiatsukna a thuak zo hi.

Sawltak 25:7

Paul a tun’ ciangin Jerusalem khua pan hong pai Judah mite in amah uumin, teci a lak zo lo, a lian mahmah mawhna tampi tawh Paul a mawhsak uh hi.

Sawltak 24:13

Tua tham loin, kei tungah hong mawhsakna thu a gentel dingin teci hong lak thei kei uh hi.

Mattiu 27:37

‘HIH PA IN JUDAHTE’ KUMPIPA ZEISU HI,’ ci-in a mawhsakna lai a lu tungah a suang uh hi.

Ezra 4:5

amau’ ngimna a tangtun’ theih loh nadingin amaute a langpang dingin zum nasemte golhguk pia uh hi. Persia kumpipa Sairas’ uk huna kipan kumpi Darias hun dong hih bangin hih ngitnget uh hi.

Esther 1:10

A ni sagih ni, zu nekna hangin a lungnop ciangin kumpipa in ama na asem a innsung mang sagihte Mehuman, Biztha, Harbona, Bigtha, Abagtha, Zethar, leh Karkas-te sam a, mite leh uliante mai-ah ama meel hoihna a lah theih nadingin Kumpinu Vashti a kumpi lukhu khu sa-in ama kiangah a paipih nadingun sawl hi; bang hang hiam cih leh tua nu a meel a hoih takpi mah ahi hi.

Piancilna 26:21

Tua ciangin amaute in tuikhuk dang khat to uh a, tua tungtang-ah zong amaute kitawng uh hi; tua ahih ciangin amah in tua pen Sitnah ci-in min phuak hi.

Esther 2:16

Ama uk a kum sagihna, kha sawmna a hi Tebeth kha sungin kumpi inn sung Kumpi Ahasu-eras’ kiangah Esther a kipaipih ciangin,

Esther 3:8

Tua ciangin Haman in Kumpipa Ahasu-eras’ kiangah, “Na ukna gam tuamtuam sunga mite lakah a om kawikawi, amau a tuam om mi pawl khat om hi. Amau’ ngeinate pen midangte’ aa tawh kibang lo hi; amaute in nangma thukhamte zui lo uh hi. Tua ahih manin hih mite na hici khahkhong ding kilawm lo hi.

Daniel 11:2

“Tu-a na tunga kong gen ding thu in thuman ahi hi. Kumpi thum in Persia gam uk lai ding a, tua banah a lina a hong khang ding hi. Tua pa in a dang teng sangin a hau zaw ding hi. Amah in a hauhpen pen laitak leh a thahat pen lai takin Grik kumpi a to ding hi.