Ezra 4:2 - Tedim Bible

² Zerubbabel leh Jeshua leh innkuan lutangte kiangah va pai uh a, amaute kiangah, “Inn lamna ah ko zong hong kihel sak un; bang hang hiam cih leh note mah bangin ko zong na Pasian uh ka bia uh a, hih lai-ah kote hong koih Assiria kumpipa Esarhaddon’ hun lai-a kipanin note’ Pasian tungah biakna ka pia uh hi,” a ci uh hi.

Tedim Bible Revision 2017

² Zerubbabel, Jeshua le innkuan lutangte kiangah va pai-in amaute kiangah, “Biakinn lamna ah ko zong hong kihelsak un; bang hang hiam cih leh note mah bangin ko zong na Pasian uh ka bia uh a, hih lai ah kote hong koih Assiria kumpipa Esar-haddonʼ hun lai a kipanin noteʼ Pasianʼ tungah biakna ka pia uh hi,” a ci uh hi.

Ezra 4:2 Referans Kwoze

2 KUMPI NIHNATE 19:37

Tua ciangin amah in ama pasian Nisrok’ inn sungah bia-in a om lai takin, ama tapate Adrammelek leh Sharezer in namsau tawh amah thatin Ararat gamah tai uh hi. Tua ciangin ama tangin a tapa Esarhaddon in uk hi.

2 KUMPI NIHNATE 17:24

Tua ciangin Assiria kumpipa in Babilon, Kuthah, Avva, Hamath, leh Sefarvaim panin mite paipih a, Israel mite’ tangin Samaria khuapite ah amaute koih hi; amaute in Samaria gam luahin a khuapite-ah teeng uh hi.

2 TIMOTI NIHNA 3:8

Zannes leh Zabres in Moses a nial uh mah bangin tua mite in zong thuman thutak a nial uh hi. Amaute a lungsim uh kisia-in upna thu-ah thudotna a thuak zo lo mi ahi uh hi.

Galati 2:4

Khazih Zeisu hangah i ngahsa suahtakna thu en simin eite sila hong suahsak nadingun kheemna tawh a hong tumsim ute naute banga kibawl mite’ thu hangin tua bang hong bawl uh hi.

Hosea 14:3

Assiria mite in hong honkhia zo ngei lo ding a, sakol galkapte zong suan’in, ka nei kei ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah theih lam ka thei uh hi,” ci-in thu ngen un.

Isaiah 37:37

Tua ciangin Assiria kumpipa Sennakherib taikhia a, innah ciahin Nineveh khua-ah teeng hi.

Late 73:8

Amaute in mi thusim loin elpau uh a, kiliatsakna tawh sucip dingin mi tawng uh hi.

Ezra 3:12

Mi dang tampi in a aw neih zah-un lungdamin a kiko uh hangin a inn masa a mu ngeisa siampite leh Levi mite leh innkuan lutang, midang tampite in hih inn bulpi a kiphuh a muh uh ciangin kap-in thuum uh hi.

Ezra 3:2

Tua ciangin Jozadak’ tapa Jeshua leh a siampi pihte, leh Shealtiel’ tapa Zerubbabel leh a behte hong kipan uh a, Pasian’ mi Moses’ thukham sungah a kigelh bangin meihal biaknate piak nadingin Israel Pasian’ biakna tau bawl uh hi.

Ezra 2:2

Zerubbabel, Jeshua, Nehemiah, Seraiah, Re-elaiah, Mordekai, Bilshan, Mispar, Bigvai, Rehum leh Baanahte makai-in tua mite ciahpih uh hi. Israel mi phazahte in:

Ezra 1:5

Tua ciangin Judah leh Benjamin sunga innkuan lutangte, leh siampite leh Levi mite, Jerusalem khua-a a om Topa’ inn lamkik dingin a lungsim sung uhah Pasian in a suahsak mite khempeuh kithawi uh hi;

2 KUMPI NIHNATE 17:41

Tua ahih ciangin hih minamte in Topa kihta uh a, a kiseek amau’ milimte’ na zong sem kawm uh hi; a tate uh leh a tate uh tate in zong tua bangin hih uh hi—a pu a pate uh hih bangin a suan a khakte un tu ni dongin hih uh hi.

Piancilna 10:11

Tua gam panin Assiria gamsungah amah pai a, Nineveh, Rehoboth-Ir, Kalah leh

Nehemiah 9:32

“‘Tua ahih ciangin tu-in a lian, a vanglian, a kihtakhuai, itna tawh kipawl thuciamna kip takin a len kote’ Pasian aw, Assiria kumpite’ hun-a kipan tu ni dongin ka kumpite uh, ka uliante uh, ka siampite uh, ka kamsangte uh, ka pu ka pate uh leh ko mi khempeuh tungah hong tung gimnate hong neu ngaihsut sak kei in.

Isaiah 37:38

Amah in ama pasian Nisrok innah bia-in a om lai takin, ama tate Adrammelek leh Sharezer in namsau tawh amah that uh a, Ararat gamah tai uh hi. Ama tapa Esarhaddon in ama tangin kumpi suak hi.