Ezra 4:19 - Tedim Bible

¹⁹ Keimah in hih thu a kikan nading thu ka pia a, tu-in kikan khin ta hi. Tang lai-a kipanin hih khuapi in kumpite langah pangin, hih khua sungah lehdona leh kumpi dona a om ngitngetna thu kimukhia hi.

Tedim Bible Revision 2017

¹⁹ Keimah in hih thu a kikanna ding thu ka pia a, tu-in kikantel khinta hi. Tanglai a kipanin hih khuapi pen kumpi langah pangin, hih khua sungah lehdona le kumpi dona a om ngitngetna thu kimu khia hi.

Ezra 4:19 Referans Kwoze

Paunak 25:2

Pasian in thu a ip manin minthang a, kumpite in thu a gen khiat manin minthang hi.

2 KUMPI NIHNATE 18:7

Tua ciangin amah tawh Topa omkhawm hi; a kuankhiatna khempeuh ah mavang hi. Amah in Assiria kumpipa lehdo-in ama na sem lo hi.

Ezra 5:17

Tua ahih ciangin hoih na sak leh, Jerusalem a, hih Pasian’ inn a kilamkik nading thu kumpipa Sairas in thupia taktak hiam, pia taktak lo hiam cih a kitheih nadingin Babilon khua sunga om laibu koihna inn sung zong sak in. Tua khit ciangin kumpipa in na deihna hong zasak in,” a ci uh hi.

2 KUMPI NIHNATE 24:20

Bang hang hiam cih leh Topa’ hehna hangin ama kiang panin amaute a paihkhiatna zah dong dingin Jerusalem leh Judah tungah thu hong om hi. Tua ciangin Zedekiah in Babilon kumpipa lehdo hi.

Thu-hilhkikna 13:14

note in a thu na kan ding uh a, zong-in lim takin na dong ding uh hi; en un, note lakah tua banga a kihhuai-in gamtatna thu a om mah ahih takpi leh,

Ezra 4:18

Keima tungah nong khak uh lai pen a kitel takin keima zakna-ah hong kisim khin hi.

Ezra 4:20

A vanglian kumpite in Jerusalem ah uk ngei-in, Eufrates Gungal gam bup tungah aana zang uh a, siah leh mangmu leh losapte tua kumpite tungah kipia hi.