Ezra 4:16 - Tedim Bible

¹⁶ Hih khuapi kilam kikna a kulhte kizo khin leh Eufrates gungal gam na uk nawn loh nading thu, nangma tungah kong theikhol sak uh hi,” a ci uh hi.

Tedim Bible Revision 2017

¹⁶ Hih khuapi kilam kikin a kulhte kizo khin leh Eufratis Gun gal gam na uk nawn loh nading thu, nangma tungah kong thei kholsak uh hi,” a ci uh hi.

Ezra 4:16 Referans Kwoze

Ezra 4:20

A vanglian kumpite in Jerusalem ah uk ngei-in, Eufrates Gungal gam bup tungah aana zang uh a, siah leh mangmu leh losapte tua kumpite tungah kipia hi.

1 KUMPI MASATE 4:24

Bang hang hiam cih leh amah in Eufrates nitumna lam gamsung khempeuh Tifsah panin Gaza ciang dong, Eufrates nitumna lam pang kumpi khempeuh tungah ukna nei hi; ama kiim mun khempeuh ah kilemna om hi.

2 SAMUEL NIHNA 8:3

Zobah kumpipa Rehob’ tapa Hadadezer in Eufrates gun kiim gamte ngah kik nuamin hong kuan ahih manin David in amah do-in zo hi.

Ezra 4:17

Tua ciangin kumpipa in hih bangin a lai uh thuk hi: “Menzipipa Rehum, lai-atpa Shimshai, leh Samaria leh Eufrates gungal gam sunga om na lawmte khempeuh uh tungah hopihna lai kong khak hi.