Ezra 4:12 - Tedim Bible

¹² Nangma kiang panin ko kiangah a hong pai Judah mite, Jerusalem ah tu-in tung khin uh a, a gilo, mi lehdo thei ahi khuapi pen amaute in lamkikin, amaute in a khua bulpi vel khinin kulhpi cian’ a kipat khitna thu thei in.

Tedim Bible Revision 2017

¹² “Nangma kiang panin ko kiangah a hong pai Judah mite, tu-in Jerusalem ah tung khin uh a, a gilo, mi lehdo thei ahi khuapi pen amaute in lamkikin, amaute in a khua bulpi vel khinin, kulhpi cian a kipat khitna thu thei in.

Ezra 4:12 Referans Kwoze

Ezra 5:9

Hih inn a lamkik nading leh a nate a zawh nadingin kua in thupia hiam? cih thu hih upate tungah ka dong uh hi.

Ezra 5:3

Tua lai takin Eufrates Gungal gam sung teng a uk sawn Tattenai, Shetharbozenai, leh amau’ lawmte hong pai pahin amaute kiangah, “Note in hih inn lamkikin a nate na bawl nading uh kua in thu hong pia ahi hiam?” a ci uh hi.

2 KHANG TANGTHU NIHNATE 36:13

Pasian tawh a kiciamsak Kumpi Nebukhadnezzar zong amah in lehdo hi; Israel Pasian, Topa’ kiang zuan kik nuam lo a, zong kisik nuam loin a lung khauhsak hi.

1 THESALONIKA MASA 5:22

khialhna nam kim na tang un.

Sawltak 24:5

Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Daniel 9:25

Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Jeremiah 52:3

Topa in Jerusalem khua leh Judah mite ama’ kiang panin a hawlkhiatna zah ding dongin a hehna a lian hi. Zedekiah kumpipa in Babilon kumpipa a langpan’ hi.

Nehemiah 1:3

Salsuahna panin a suakta, tua gam-a a om suakte in haksatna lianpi leh maizumna a ngahna uh, leh Jerusalem kulh kicimin kulhkongpite mei in a kattumna thu hong gen uh hi.

Ezra 4:19

Keimah in hih thu a kikan nading thu ka pia a, tu-in kikan khin ta hi. Tang lai-a kipanin hih khuapi in kumpite langah pangin, hih khua sungah lehdona leh kumpi dona a om ngitngetna thu kimukhia hi.

2 KUMPI NIHNATE 24:1

Ama hun sungin Babilon kumpipa Nebukhadnezzar hong kuanto a, Jehoiakim kum thum sung ama nasem suak hi; tua ciangin Jehoiakim in amah lehdo hi.

2 KUMPI NIHNATE 18:20

Note in kampau lel pen galsim nadingin thu lamlahna leh thahatna-in na ngaihsun uh hi! Note in kei nong lehdo nadingun bang suang na hi uh hiam?

Ezra 4:11

A lai sung thu hih anuai-a bang ahi hi: “Artakzaksis kumpipa tungah, Eufrates Gungal gam-a om na nasemte in hopihna kam kong puak uh hi:

Esther 3:8

Tua ciangin Haman in Kumpipa Ahasu-eras’ kiangah, “Na ukna gam tuamtuam sunga mite lakah a om kawikawi, amau a tuam om mi pawl khat om hi. Amau’ ngeinate pen midangte’ aa tawh kibang lo hi; amaute in nangma thukhamte zui lo uh hi. Tua ahih manin hih mite na hici khahkhong ding kilawm lo hi.

Daniel 3:8

Tua ciangin Babilon mite pawl khat pai-in Judah mite a hek sim uh hi.

Nehemiah 6:6

A laikhak sungah, “Mi namdangte lakah a kigen, Geshem in zong tua a kigen thu man hi, ci-a a gen thu in, nang leh Judah mite in kumpi lehdo ding na sawm uh a, tua thu hangin kulh na ciang uh hi; tua banah nangmahmah zong kumpi na utna kigen lai hi.