Ezra 3:8 - Tedim Bible

⁸ Amaute, Jerusalem a, Pasian’ innah hong ciahkik uh a kum nihna, tua kum a kha nihna sungin Shealtiel’ tapa Zerubbabel leh Jozadak’ tapa Jeshua in nasep kipan uh a, ama Israel mipihte, siampite leh Levi mite leh salsuahna panin Jerusalem ah a hong ciahkik mite khempeuh in huh uh hi. Amaute in Levi mite kum sawmnih panin a tungsiah peuhmah Topa’ inn sungah biakna nasepte a vaan dingin seh uh hi.

Tedim Bible Revision 2017

⁸ Amaute, Jerusalem khua-a Pasianʼ biakinn ah a hong ciahkik uh a kum nihna, tua kum a kha nihna sungin Shealtielʼ tapa Zerubbabel le Jozadakʼ tapa Jeshua, nasep kipan uh a, a Israel mipihte, siampite, Levi mite le salsuahna panin Jerusalem ah a hong ciahkik mite khempeuh in zong a huh uh hi. Amaute in Levi mite kum sawm nih panin a tungsiah peuhmah Topaʼ biakinn sungah biakna nasepte a vaan dingin a seh uh hi.

Ezra 3:8 Referans Kwoze

Ezra 4:3

Ahih hangin Zerubbabel, Jeshua leh Israel sunga innkuan lutang a om laite in amaute kiangah, “Kote’ Pasian’ adingin ka lam uh inn in note hong lunghihmawhpih ding hi lo hi. Persia kumpipa Sairas in kote hong thupiaksa bangin Israel Pasian, Topa adingin ko teng bek mah in ka lam ding uh hi,” a ci uh hi.

1 KHANG TANGTHU MASATE 23:4

David in, “Hihte tul sawmnih leh tulli in Topa’ inn sungah nasep uk ding a, tulguk in mangte leh thukhente hi ding a,

Gamlak-vakna 4:3

kikhopna buk sungah na sem dingin na a sem thei ding kum sawmthum pan kum sawmnga a pha tapa khempeuh sim in.

Ezra 3:2

Tua ciangin Jozadak’ tapa Jeshua leh a siampi pihte, leh Shealtiel’ tapa Zerubbabel leh a behte hong kipan uh a, Pasian’ mi Moses’ thukham sungah a kigelh bangin meihal biaknate piak nadingin Israel Pasian’ biakna tau bawl uh hi.

Ezra 5:16

Tua ciangin Sheshbazzar hong pai-in Jerusalem a, Pasian’ inn a bulpi hong phut hi; tua huna kipanin tu dong inn lamkik kisem suak a, ahi zongin kizo nai lo hi,’ a ci uh hi.

Zekhariah 4:9

Amah in, “Zerubbabel in biakinn bulpi phut khin a, biakinn lam zong zo ding hi. Tua ciangin ka mite in, amaute kiangah nang kong sawlna thu thei ding uh hi.

Zekhariah 6:12

Ama kiangah, ‘Topa in hih bangin ci hi: “Hih mipa in sing bangin A Sel a kici mipa ahi hi. A omna peuhpeuh-ah amah cithei ding a, Topa’ biakinn lamkik ding hi.

1 KHANG TANGTHU MASATE 3:17

Babilon ah sal a suak Jekoniah’ tapate in: A tapa Shealtiel,

Ezra 2:2

Zerubbabel, Jeshua, Nehemiah, Seraiah, Re-elaiah, Mordekai, Bilshan, Mispar, Bigvai, Rehum leh Baanahte makai-in tua mite ciahpih uh hi. Israel mi phazahte in:

Ezra 4:24

Tua huna kipanin Jerusalem a, om Pasian’ inn a kisepna khawl hi; Persia kumpi Darias’ uk a kum nihna dong tua bangin khawlcip phot hi.

Ezra 5:2

Tua ciangin Shealtiel’ tapa Zerubbabel leh Jozadak’ tapa Jeshua in Jerusalem a, Pasian’ inn lamkik ding kipan pah uh a, Pasian’ kamsangte in amaute ompihin huh uh hi.

Ezra 10:18

Siampite beh lak panin Jozadak’ tapa Jeshua leh a sanggamte beh sung panin Ma-aseiah, Eliezer, Jarib, leh Gadaliahte in gamdang numei a ten’pihna kimu hi.

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thu gen pen, Shealtiel’ tapa Zerubbabel, Judah gam ukpa, leh Jehozadak’ tapa Joshua, siampi lianpa tungah gen ding ahi hi.