Ezra 3:7 - Tedim Bible

⁷ Tua hi a, amaute in suangseekte leh khutsiamte tungah sum pia uh a, Persia kumpipa Sairas’ tung panin a thu ngahna bangun Lebanon mualtung gam panin tuipi gei Joppa khua ah taamtaak singte a hong puaksuk ding Sidon khuamite leh Tai-ar khuamite tungah zong annek tuidawn leh sathau a pia uh hi.

Tedim Bible Revision 2017

⁷ Tua hi a, amaute in suangseekte le khutsiamte tungah sum pia uh a, Persia kumpi Sairasʼ tung panin a thu ngahna bangun Lebanon mual tung gam panin tuipi gei Joppa khua ah taamtak singte a hong puak suk ding Sidon khua mite le Taia khua mite tungah zong an nek tui dawn le sathau a pia uh hi.

Ezra 3:7 Referans Kwoze

1 KUMPI MASATE 5:6

Tua ahi ciangin Lebanon taamtaak singte kei adingin a kiphuk nading thu pia in; ka nasemte in nangma nasemte seppih ding uh a, nangma seh bangin na nasemte’ thaman ding nang tungah kong pia ding hi; bang hang hiam cih leh Sidon mite bangin sing suih zia a thei kote lakah khat zong a om lohna na thei hi,” a ci hi.

Sawltak 12:20

Herod kumpipa in Tai-ar leh Sidon khuapihte tungah heh a, amaute in a lungsim kikhatin ama kiangah a pai uh a, mangpa’ thu vaihawmpipa Blatas amau lawma a mat khit uh ciangin kilemna thu a gen uh hi. Bang hang hiam i cih leh, amaute gam in kumpipa gam panin an a ngah uh hi.

Sawltak 9:36

Joppa khua-ah Dorkas a cihnopna ahi Tabitha min nei, nungzui a suak numei khat a om hi. Tua numei in a pha gamtatna leh mi hehpihna lungsim a nei hi.

Jonah 1:3

Ahih hangin Topa kiangpan Jonah tai khia-in Tarshish khua lamah taisim dingin a kithawi zawsop hi. Joppa khua-ah a paisuk-a Tarshish khua a zuan ding teembaw khat a mu hi. A sap man pia-in a tungah kah a, Topa kiang pan taikhia dingin teembaw hawlte tawh Tarshish khua-ah a pai hi.

Ezekiel 27:17

Judah leh Israel gam mite in zong na van leina-in mangbuh, oliv thau leh theipal, khuaizu leh singnamtui tuamtuamte hong pia uh hi.

Sawltak 9:38

Lidda khua in Joppa khua tawh kinai ahih ciangin Piter tua khua-ah a om ci-in nungzuite in a theih uh ciangin mi nih sawl uh a, “Zekai loin ko kiangah hong pai in,” ci-in a thuum uh hi.

Sawltak 9:43

Piter in Joppa khua-ah savun bawlpa Simon kiangah sawt veipi a taam hi.

2 SAMUEL NIHNA 5:11

Tua ciangin Tai-ar kumpipa Hiram in kamtaite leh taamtak singte, leh David adingin inn khat a lamsak khutsiamte leh lei-le-suang innlam siamte zong puak hi.

Ezra 3:6

Topa’ biakinn a bulpi a kiphuh nai loh hangin a kha sagihna a ni masa ni-a kipanin amaute in Topa tungah meihal biaknate piak ding kipan uh hi.

2 KUMPI NIHNATE 12:10

Singkuang sungah sum tam om hi ci-in a theih peuhpeuh uh ciangin kumpipa’ lai-atpa leh siampi lianpa hong paito-in Topa’ inn sungah a om sumte amaute in simin ip tawh tun uh hi.

2 KUMPI NIHNATE 12:13

Ahih hangin Topa’ inn adingin ngun kuangte, meitehte, haite, peengkulte, ahih kei leh kham ahi a, ngun khat peuhpeuh ahi zongin, Topa’ innah a kipaipih sumte panin kibawl lo hi,

2 KHANG TANGTHU NIHNATE 34:10

Amaute in Topa’ inn a vaan nasemte tungah tua sum pia uh hi; tua ciangin Topa’ innah a sem nasemte in a inn puah nading leh a ngei batsakkik nadingin pia uh hi.