Ezra 3:6 - Tedim Bible

⁶ Topa’ biakinn a bulpi a kiphuh nai loh hangin a kha sagihna a ni masa ni-a kipanin amaute in Topa tungah meihal biaknate piak ding kipan uh hi.

Tedim Bible Revision 2017

⁶ Topaʼ biakinnpi a bul a kiphuh nai loh hangin a kha sagihna a ni masa ni a kipanin amaute in Topaʼ tungah meihal biaknate piak ding kipan uh hi.

Ezra 3:6 Referans Kwoze

Ezra 3:5

tua ciangin hihte banah a tawntunga meihal biakna, khadet sim-a biakna leh Topa’ pawi a kisehsa hun khempeuh leh Topa’ tungah amau’ ut thu tawh a pia mite khempeuh’ piaknate zong pia uh hi.

Ezra 3:7

Tua hi a, amaute in suangseekte leh khutsiamte tungah sum pia uh a, Persia kumpipa Sairas’ tung panin a thu ngahna bangun Lebanon mualtung gam panin tuipi gei Joppa khua ah taamtaak singte a hong puaksuk ding Sidon khuamite leh Tai-ar khuamite tungah zong annek tuidawn leh sathau a pia uh hi.

Siampi Laibu 23:24

“Israel mite tungah hih bangin gen in: A kha sagihna, tua kha a ni masa ni-in note in thupi tawlngakna ni khat, peengkul tumna tawh a kibawl phawkna, a siangtho kikhopna khat na nei ding uh hi.

Siampi Laibu 23:25

Note in thatang nasep na sem kei ding uh hi; Note in Topa’ tungah meihal biakna na paipih ding uh hi,” a ci hi.

Gamlak-vakna 29:1

“A kha sagihna a ni masa ni-in kikhopna siangtho khat na nei ding uh hi; leitung nasep na sem kei ding uh hi. Tua pen note in peengkul na tum ni ding uh hi a,

Gamlak-vakna 29:2

meihal biakna, Topa tungah a gim namtui na pia ding uh hi: bawngtalno khat, tuutal khat, a sit bang lo kum khat a pha tuuno a pa sagih hi ding hi;