Ezra 3:4 - Tedim Bible

⁴ Tua ciangin amaute in a kikipsaksa bangin buk pawi bawl uh a, ni simin zat dingin a kisehsa zah bangin meihal biakna ni simin pia uh hi;

Tedim Bible Revision 2017

⁴ Tua ciangin amaute in a kikipsak sa bangin buk pawi bawl uh a, nisimin zat dingin a kiseh sa zah bangin meihal biakna nisimin a pia uh hi.

Ezra 3:4 Referans Kwoze

Paikhiatna 23:16

Note in lo-a na tuh uh, na nasepna uh a gah masa, anlak pawi na bawl ding uh hi. Note in lo panin na nasepna uh a gah na kaihkhop uh kum bei ciangin kaihkhopna pawi na bawl ding uh hi.

Johan 7:37

Pawikham a tawp ni alianpen ni-in Zeisu ding a, “Mi khatpeuh in tui a duh leh, ka kiangah hong pai-in dawn ta hen.

Johan 7:2

Tua lai takin Judah mite’ Buk pawikham ding a nai zo hi.

Jeremiah 52:34

A sih ni a tun’ mateng a nuntak hun sung tengin ni simin a kisapna bangin kumpipa in a pia tawntung hi.

Paikhiatna 29:38

“Tu-in hih in biakna tau tungah na piak ding ahi hi; ni simin a kizomin kum khat a pha tuuno nihta hi ding hi.

Paikhiatna 5:13

Nasem ukte in kin ngaihsut uh a, “Buhtu a om hun mah bangin na nasep uh ahi na nisim nasep uh zo un,” ci uh hi.

1 KHANG TANGTHU MASATE 16:37

Tua ahih ciangin David in ni sim-a a kisam bangin thuciamna singkuang mai-ah na a sem tawntung dingin Asaf leh a Levi mipihte Topa’ thuciamna singkuang mai-ah nusia a,

2 KHANG TANGTHU NIHNATE 31:16

Khang-simna a, amau’ kiciamtehna tawh kisai-in a kipia hi tuan loin, a khen khenin amau’ panmun tawh kizui-in ni simin nasepna ah a kisam bangin Topa’ inn sungah a lut, kum thum leh a tungsiah a pha pasal khempeuh tungah tanh kipia kim hi.

Siampi Laibu 23:33

Topa in Moses kiangah,

Gamlak-vakna 29:39

“Na thuciam biak piakna uh leh ut thu-a na biak piaknate uh banah na meihal biaknate, leh an tawh na biaknate, leh leenggahzu tawh na biaknate, leh thunuam-a na biak nadingun a kiseh na pawi hunte uhah hihte Topa’ tungah na pia ding uh hi,” a ci hi.