Ezra 3:2 - Tedim Bible

² Tua ciangin Jozadak’ tapa Jeshua leh a siampi pihte, leh Shealtiel’ tapa Zerubbabel leh a behte hong kipan uh a, Pasian’ mi Moses’ thukham sungah a kigelh bangin meihal biaknate piak nadingin Israel Pasian’ biakna tau bawl uh hi.

Tedim Bible Revision 2017

² Tua ciangin Jozadakʼ tapa Jeshua le a siampipihte le Shealtielʼ tapa Zerubbabel le a behte hong kipan uh a, Pasianʼ mi Moses thukham sungah a kigelh bangin meihal biaknate piak nadingin Israel Pasian biakna tau a bawl uh hi.

Ezra 3:2 Referans Kwoze

Luka 3:27

Josek in Joda’ ta hi, Joda in Joanan’ ta hi, Joanan in Resa’ ta hi, Resa in Zerubbabel’ ta hi, Zerubbabel in Shealtiel’ ta hi, Shealtiel in Neri’ ta hi,

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thu gen pen, Shealtiel’ tapa Zerubbabel, Judah gam ukpa, leh Jehozadak’ tapa Joshua, siampi lianpa tungah gen ding ahi hi.

Ezra 2:2

Zerubbabel, Jeshua, Nehemiah, Seraiah, Re-elaiah, Mordekai, Bilshan, Mispar, Bigvai, Rehum leh Baanahte makai-in tua mite ciahpih uh hi. Israel mi phazahte in:

1 KHANG TANGTHU MASATE 3:17

Babilon ah sal a suak Jekoniah’ tapate in: A tapa Shealtiel,

Zekhariah 6:11

Amaute’ hong piak ngun leh khamte zangin kumpi lukhu khat bawl in la, Johozadak’ tapa, siampi lian a sem Joshua khusak in.

Zekhariah 3:8

Tua ahih ciangin siampi lian Joshua aw, ngai in; ama siampi pih ahi no adangte in zong ngai un. Note in mai lam thu hoih nadingin lim na hi uh hi. Sing bangin A Sel ka nasempa khat kong paisak ding hi.

Zekhariah 3:1

Topa in mang hong musak a, Topa’ vantungmi mai-ah siampi lian Joshua ding-in, a mawhna a zong dingin a kiangah Satan zong a om ka mu hi.

Haggai 2:23

Ka nasem Zerubbabel aw, tua ni ciangin nang hong la-in ka min gelhna zungbuhin kong bawl ding hi. Bang hang hiam cih leh nang in ka hong teelpa na hi hi, Vanglianpen Topa in ci hi, ci-in gen in,” a ci hi.

Haggai 2:21

“Vanpi leh leipi a lokgawp ding ka hihna thu, Judah gam ukpa Zerubbabel kiangah gen in.

Haggai 1:14

Tua hi a, Topa in Judah gam ukpa Zerubbabel, siampi lianpa Jehozadak’ tapa Joshua leh salsuahna panin a hong ciahkik mi khempeuh’ sungah biakinn lam nopna lungsim a guan hi. Topa, amau’ Pasian’ biakinn lam dingin hong kithawi uh a,

Haggai 1:12

Tua ciangin Shealtiel’ tapa Zerubbabel, Jehozadak’ tapa Joshua ahi siampi lianpa, leh salsuahna panin hong ciahkik mi khempeuh in Topa ahi amau’ Pasian’ thu mang uh a, Topa Pasian’ kamtai ahi kamsang Haggai’ gen bangin gamta-in, Topa zahtakin lau uh hi.

Late 78:68

ahih hangin, ama it, Zion Mual, Judah minam a teel hi.

Nehemiah 12:8

Levi mite sung panin: Jeshua, Binnui, Kadmiel, Sherebiah, Judah leh Mattaniah hi a, amah in a sanggamte tawh lungdam kohna late a uk hi.

Nehemiah 12:1

Shealtiel’ tapa Zerubbabel leh Jeshua tawh hong ciahkik siampite leh Levi mite in: Seraiah, Jeremiah, Ezra,

1 KHANG TANGTHU MASATE 3:19

Pedaiah’ tapate in: Zerubbabel leh Shimei ahi uh hi; Zerubbabel’ tapate in: Meshullam leh Hananiah hi a, Shelomith kici tanu khat zong nei hi;

Paikhiatna 27:1

“Biakna tau singkha sing tawh bawlin, tong nga sau-in tong nga na zaisak ding hi; biakna tau a ning kim ding a, a tun’ tong thum hi ding hi.

Ezra 3:8

Amaute, Jerusalem a, Pasian’ innah hong ciahkik uh a kum nihna, tua kum a kha nihna sungin Shealtiel’ tapa Zerubbabel leh Jozadak’ tapa Jeshua in nasep kipan uh a, ama Israel mipihte, siampite leh Levi mite leh salsuahna panin Jerusalem ah a hong ciahkik mite khempeuh in huh uh hi. Amaute in Levi mite kum sawmnih panin a tungsiah peuhmah Topa’ inn sungah biakna nasepte a vaan dingin seh uh hi.

Ezra 5:2

Tua ciangin Shealtiel’ tapa Zerubbabel leh Jozadak’ tapa Jeshua in Jerusalem a, Pasian’ inn lamkik ding kipan pah uh a, Pasian’ kamsangte in amaute ompihin huh uh hi.

Piancilna 12:7

Tua ciangin Abram’ tungah Topa kilang a, “Na suan-le-khakte' tungah hih leitang ka pia ding hi,” ci hi. Tua ahih ciangin amah in ama' tunga kilang Topa adingin biakna tau khat bawl hi.

Gamlak-vakna 28:2

“Israel mite thu pia in la, amaute tungah, ‘Keimah biakna, mei tawh kihal keimah hong kibiakna an, a gim namtui keima aa, a hunin kei tungah nong piak ding uh phawk un,’ ci-in gen in.

Thukhente 6:24

Tua ciangin Gideon in Topa adingin biakna tau khat tua lai-ah lam a, tua pen, Topa in nopna ahi hi, ci-in phuak hi. Tua pen, Abiezer mite’ neihsa Ofrah-ah tu ni dongin ding lai hi.

1 KHANG TANGTHU MASATE 23:14

Ahih hangin Pasian’ mipa Moses’ tapate ahih leh Levi minamte lakah kisim hi.

Ezra 10:18

Siampite beh lak panin Jozadak’ tapa Jeshua leh a sanggamte beh sung panin Ma-aseiah, Eliezer, Jarib, leh Gadaliahte in gamdang numei a ten’pihna kimu hi.

Ezra 10:20

Immer-te beh sung panin Hanani leh Zebadiah ahi uh hi.

Ezra 10:21

Harim-te beh sung panin Ma-aseiah, Elijah, Shemaiah, Jehiel, leh Uzziah ahi uh hi.

Ezra 10:22

Pashhur-te beh sung panin Elio-enai, Ma-aseiah, Ishmael, Nethanel, Jozabad leh Elasah ahi uh hi.