Ezra 3:13 - Tedim Bible

¹³ Mite nakpi takin kiko ahih manin lungdamna awging leh kahna leh thuumna awgingte mite in khen thei lo uh hi; gamlapi pek panin tua awging kiza hi.

Tedim Bible Revision 2017

¹³ Mite nakpi takin kiko ahih manin lungdamna awging le kahna le thumna awgingte mite in khen thei lo uh hi. Gamlapi pek panin tua awgingte a kiza hi.

Ezra 3:13 Referans Kwoze

1 SAMUEL MASA 4:5

Topa’ thuciamna singkuang giahphual sung hong tun’ ciangin Israelte khempeuh nakpi takin awng uh a, lei thawn hi.

Zekhariah 4:7

Thu haksa pente nangawn in na ma hong khaktan zo lo ding hi. Biakinn na lamkik ding a, mite in, ‘Hoih mahmah hi,’ ci-in a ot ngeii-ngai lai takin a khupna suang na ciang ding hi, hong ci hi,” a ci hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Late 5:11

Ahih hangin nang hong belte khempeuh lungdam sak in la, nuamna la sasak tawntung in; na min a deihte, nangma sungah gualzo-a a lungdam theih nadingin amaute na hu hi.

Nehemiah 12:43

Pasian in nakpi takin amaute lungdamsak ahih manin amaute in tua ni-in biak piakna lian tampi pia-in lungdam uh hi; numei naupangte zong lungdam uh hi. Tua hi a, Jerusalem khua sungah lungdamna awging gamlapi pek pan nangawnin kiza hi.

1 KUMPI MASATE 1:45

siampi Zadok leh kamsang Nathan in Gihon ah kumpi-in amah sathau nilh khin uh hi; tua lai panin amaute lungdamin ciah khin uh ahih manin khuapi sung gamlum hi. Nangma zak in hih gamlumna ahi hi.

1 KUMPI MASATE 1:40

Tua ciangin mi khempeuh ama tungah pai-in tamngaikop tum uh a, nakpi takin lungdam uh a, amau’ gamlumna in lei thawn kham hi.

Thukhente 2:5

Amaute in tua mun pen Bokhim ci-in phuak uh hi; tua lai mun-ah Topa tungah biakna pia uh hi.

Ezra 3:12

Mi dang tampi in a aw neih zah-un lungdamin a kiko uh hangin a inn masa a mu ngeisa siampite leh Levi mite leh innkuan lutang, midang tampite in hih inn bulpi a kiphuh a muh uh ciangin kap-in thuum uh hi.

Ezra 4:1

Salsuahna panin a hong ciahkik mite in Israel Pasian Topa adingin biakinn khat a lamna thu Judah leh Benjamin mite’ galte in a zak uh ciangin,

Jeremiah 50:4

“Topa in kong cih-inah, tua ni tua hun ciangin Israel mite leh Judah mite kap kawmin, hong pai khawm ding uh a, Topa a Pasian uh hong zong ding uh hi.