Ezra 3:11 - Tedim Bible

¹¹ tua ciangin amaute in Topa phatna leh lungdam kohna a kidawngin sa uh a, “Topa tungah lungdam koh ding hoih hi, bang hang hiam cih leh Israelte hong itna kip tawntung hi,” a ci uh hi. Topa’ inn bulpi kiphut khin ahih manin mi khempeuh in nakpi takin Topa phat uh hi.

Tedim Bible Revision 2017

¹¹ Tua ciangin amaute in Topa phatna le lungdamkohna a kidawngin sa uh a, “Topa hoih hi; bang hang hiam cih leh Israel-te hong itna kip tawntung hi,” a ci uh hi. Topaʼ biakinn bulpi kiphut khin ahih manin mi khempeuh in nakpi takin Topa phat uh hi.

Ezra 3:11 Referans Kwoze

1 KHANG TANGTHU MASATE 16:34

Amah hoih ahih manin Topa tungah lungdamna ko un; bang hang hiam cih leh a itna kip a tawntungin a kho hi!

Late 106:1

Topa phat un! Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 107:1

Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Late 135:3

Topa phat un, bang hang hiam cih leh Topa hoih hi; ama min phatna lasak un, bang hang hiam cih leh phat nop huai hi.

Late 118:1

Topa tungah lungdamna ko un, bang hang hiam cih leh amah hoih a, ama itna kip kho tawntung hi!

2 KHANG TANGTHU NIHNATE 7:3

Israel mite khempeuh in meikuang hong pai sukin Topa’ minthan’na biakinn tungah a om a muh uh ciangin suangphah tungah lei lam maingatin kun uh a, bia-in Topa tungah lungdamna ko-in, “Topa tungah lungdam koh ding hoih hi; bang hang hiam cih leh ama itna kip tawntung hi,” a ci hi.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Nehemiah 12:24

Tua ciangin Levi mi ukpite in: Hashabiah; Sherebiah, Jeshua, Binnui, leh Kadmiel hi uh a, Pasian’ mi David’ thupiakna bangin a ban banin phatna lasa ding leh lungdam ko dingin a sanggamte uh tawh na a sem ding uh ahi hi.

Isaiah 44:23

Vantungte aw, Topa in tua thu sem khin ahih manin lungdam in la sa un; Anuai-a om leitung aw, awng un; mualte aw, la sa-in awng khia un, tulak leh a sunga sing om khempeuh aw, awng un! Bang hang hiam cih leh Topa in Jakob tankhia khin a, Israel sungah amah kiminthangsak ding hi.

Paikhiatna 15:21

Miriam in amaute la sak hi: “Topa la sak un, amah in minthangin zo khin, amah in sakol leh a tuangpa tuipi sungah lawn hi,” a ci hi.

Luka 1:50

Amah kihta mite tungah, Khang khat pan khang khat dongin ama hehpihna a om tawntung ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Isaiah 6:3

Amaute khat leh khat kisamin: “Vanglianpen Topa, siangtho, siangtho, siangtho hi; leitung khempeuh ama minthan’na tawh kidim hi,” ci-in awng uh hi.

Late 47:1

Mi khempeuh aw, na khut uh beeng un! Lungdamna la nakpi-in sa-in Pasian phat un.

1 KHANG TANGTHU MASATE 16:41

Ama itna kip kho tawntung ahih manin, amaute tawh Heman leh Jeduthun, leh Topa tungah lungdamna a ko dingin a kiteel; a minin a kilo khia a om laite om hi.

Nehemiah 12:40

Tua hi a, lungdamna a ko hih pawl nihte, Pasian’ innah ding uh a, uliante kimkhat leh kei ka omkhawm uh hi.

Late 47:5

Aw ging tawh Pasian paito a, pengkul aw tawh Topa paito hi.

Joshua 6:5

Amaute in tuutal ki sauveipi a gin’sak uh ciangin, peengkul aw na zak phetun nakpi takin mi khempeuh awng ding uh hi; khuapi kulh cim mai ding a, mi khempeuh amau mai ciatah tang takin paisuak ding uh hi,” a ci hi.

Joshua 6:16

A sagihveina-ah, siampite in peengkul a tum ciangin Joshua in mite kiangah, “Awng un; bang hang hiam cih leh Topa in khuapi note hong pia zo hi.

Joshua 6:10

Ahih hangin Joshua in mite thu pia-in, “Awng un, ci-a kong sawl hun matengin note awng loin, na aw uh zong na kizasak kei ding uh a, na kam panun aw khatbeek ging khia lo ding hi; awng un, kong cih ciangin na awng bek ding uh hi,” a ci hi.

2 KHANG TANGTHU NIHNATE 5:13

aw kikhatin phatin Topa tungah lungdam koh ding pen peengkul tumte leh lasate’ nasep ahi hi), peengkulte leh daltuahte leh adang lasaknate tawh, “Topa tungah lungdam koh ding hoih hi, bang hang hiam cih leh ama itna kip tawntung hi,” ci-in Topa phatna-in la a kisak ciangin, Topa’ inn in meii tawh kidim a,

Late 100:5

Bang hang hiam cih leh Topa hoih hi; ama itna kip-in kho tawntung a, ama thumanna a khang a khangin a kip hi.

Late 131:1

Topa aw, ka lungsim kiliansak nawn lo a, kei ka kihisak nawn kei hi; kei adingin a lian lua leh a lamdang luate ngaihsutin ka nei kei hi.

Zekhariah 4:7

Thu haksa pente nangawn in na ma hong khaktan zo lo ding hi. Biakinn na lamkik ding a, mite in, ‘Hoih mahmah hi,’ ci-in a ot ngeii-ngai lai takin a khupna suang na ciang ding hi, hong ci hi,” a ci hi.

Haggai 2:3

“Ni danga biakinn a hoihna dan a ciamteh thei lai na om uh hiam? Tu-in bangci na sa uh hiam? Note’ muhna-ah a gen taak het lo tawh kibang ding hi.