Ezra 3:1 - Tedim Bible

¹ A kha sagihna hong cin’ ciangin Israel mite amau’ khuapi ciatah teeng khin uh ahih manin, khe khat khai bangin Jerusalem ah amaute hong kituah diam uh hi.

Tedim Bible Revision 2017

¹ A kha sagihna hong cin ciangin Israel mite amauʼ khuapi ciatah teeng khin uh ahih manin, khekhat khai bangin Jerusalem ah hong kituah diam uh hi.

Ezra 3:1 Referans Kwoze

1 KORIN MASA 1:10

Ute naute aw, note khempeuh in kam kikhat na gen uh a, kikhenthang loin, lungsim kikhatin, kiciamtehna kikhatin, kicing takin na om nadingun i Topa Zeisu Khazih’ min tawh kong thuum hi.

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

Siampi Laibu 23:24

“Israel mite tungah hih bangin gen in: A kha sagihna, tua kha a ni masa ni-in note in thupi tawlngakna ni khat, peengkul tumna tawh a kibawl phawkna, a siangtho kikhopna khat na nei ding uh hi.

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Zefaniah 3:9

Tua ciangin minamte’ lungsim ka hei ding a, amaute in Topa tung bekah thu ngenin, lungsim kikhatin Topa’ na sem ding uh hi.

Nehemiah 8:14

Tua ciangin, a kha sagihna pawi hun sungin sawlbuk sungah Israel mite a om nading thu, leh amaute in a khuapi khempeuh uh leh Jerusalem ah taangko-in, “A kigensa bangin sawlbuk lam nadingin gam lakah pai un la, oliv hiangte leh gamlak oliv hiangte, mui sing hiangte leh nisuh hiangte, leh a teh tam singhiang dangte va sat un,” ci-in a gen ding uh, Moses tung tawnin Topa in a thupiakna pen thukham sungah a kigelh lam mu uh hi.

Nehemiah 7:73

Tua ciangin siampite, Levi mite, leh mi pawl khatte Jerusalem khua leh a kiim-ah teeng uh a, kongcingte, lasate, biakinn nasemte, leh Israel mi dangte amau’ khuapi ciatah teeng uh hi. Kha sagihna hong cin’ ciangin Israel mite amau’ khuapi ciatah teeng khin uh hi.

Thukhente 20:1

Tua ciangin Israel mite khempeuh, Gilead gam zong a kihel, Dan panin Be-ersheba dong hong kuankhia uh a, Topa' kiang Mizpah-ah mihing khat bangin mihonte hong kikhawm uh hi.

Siampi Laibu 16:29

“Hih in, a kha sagihna, tua kha a ni sawm ni-in note’ adingin a tawntungin thukham hi ding a, tual sung mi hita leh note lakah a hong peem khual mi hita leh, nomau mah kigawt tawmin, na na sem kei ding uh hi;

Nehemiah 8:1

Tua ciangin Tui kongpimai tualpi ah mi khempeuh khe khat khai bangin hong kikhawmtuah diam hi; tua ciangin Topa in Israel mite tungah a piak ahi, Moses’ thukham laibu pen lai theipa Ezra in hong paipih nadingin gen uh hi.

Thu-hilhkikna 16:16

-

Nehemiah 7:72

Tua ciangin mi dangte’ piakte in kham darik tul sawmnih, ngun mina tul nih, leh siampipuan sawmguk-le-sagih ahi hi.