Ezra 2:41 - Tedim Bible

⁴¹ Lasate sung panin: Asaf suante zakhat leh sawmnih-le-giat ahi uh hi.

Tedim Bible Revision 2017

⁴¹ Lasate sung panin Asafʼ suante - za khat sawm nih le giat ahi hi.

Ezra 2:41 Referans Kwoze

1 KHANG TANGTHU MASATE 6:39

Asaf in lasa pawl a nihna a makaipa hi a, ama khangsimna a pupi Levi lam manawhin kileh simto hi. Tuate in: Asaf, a pa Berekhiah, a pa Shimea,

Nehemiah 11:17

leh lungdam koh thungetna patkhiat ding a makai Asaf, a tapa Zabdi, a tapa Mika, a tapa Mattaniah, leh a sanggamte lakah a nihna ahi Bakbukiah, leh Jeduthun’ tapa Galal, a tapa Shammua, a tapa Abda’ suante beh ahi uh hi.

Nehemiah 7:44

Lasate sung panin: Asaf’ suante mi za khat leh sawmli-le-giat ahi hi.

1 KHANG TANGTHU MASATE 15:17

Tua ahih ciangin Levi mite in Joel’ tapa Heman seh uh hi; tua ciangin a behte sung panin Berekhiah’ tapa Asaf; Merari minam sung panin a behte uh Kushaiah’ tapa Ethan;

Ezra 2:40

Levi mite sung panin: Hodaviahte beh panin Jeshua suante leh Kadmiel suante sawmsagih-le-li ahi uh hi.

Ezra 2:42

Kongcingte nam sung panin: Shallum suante, After suante, Talmon suante, Akkub suante, Hatita suante, leh Shobai suante, a vekpi-in za khat leh sawmthum-le-kua ahi uh hi.

1 KHANG TANGTHU MASATE 25:25

a sawm-le-giatna Hanani, leh a tapate leh a sanggamte, sawm-le-nih tung tu hi;

Ezra 3:10

Innlamte in Topa’ biakinn a bul a phuh uh ciangin, Israel kumpipa David in a geel kholhsa bangin Topa a phat dingin siampite in a puan uh silhin peengkul tawh, Asaf tapa Levi mite in daltuah tawh a panmun ding uhah hong pang uh hi;