Ezra 2:1 - Tedim Bible

¹ Babilon kumpipa Nebukhadnezzar in a zawhna gam panin Babilon ah sal-in a lakte sung panin hih mite Jerusalem leh Judah ah a ciahkikte hi a, amau’ khua ciatah a ciah uh hi.

Tedim Bible Revision 2017

¹ Babylon kumpi Nebukhadnezzar in a zawhna gam panin Babylon ah salin a lakte sung panin hih mite Jerusalem le Judah ah a ciahkikte hi a, amauʼ khua ciatah a ciah uh ahi hi.

Ezra 2:1 Referans Kwoze

2 KUMPI NIHNATE 25:11

Tua ciangin a cingte a ukpa Nebuzaradan in khuapi sungah a kinusia a om lai mite leh Babilon kumpipa a taisan mite, mi honpi a om lai teng khempeuh sal-in paipih khawm hi.

Sawltak 23:34

Mangpipa in lai a sim ciangin, “Kua gam mi na hi hiam?” ci-in a dot leh, Kilikia gam mi ahih a theih ciangin,

Zefaniah 2:7

Judah mi a om laite in na gamsung luah ding a, amaute in tuu cin’na-in hong nei-in, Ashkelon khua sunga innte sungah zanin lum ding uh hi. Topa ahi amaute’ Pasian in amaute ompih ding a, amaute, citheisak kik ding hi.

Kah la 4:22

Jerusalem in a mawhna thaman a sang khin zo hi. Ka thuak ding uh a nasiapen pen teng ka thuak khin zo uh hi. Ahih hangin Edom aw, Topa in nang daan hong pia ding a, na mawhna a hong pholak sak ding hi.

Kah la 1:5

A galte gualzo uh a, amaute a nuaisiah gawp uh hi. Mawhna tampi a neih manun, Topa in tua bangin gimna a thuaksak hi. Naupangte nangawn sila dingin a kipua khia hi.

Kah la 1:3

Judahmite, a huh ding nei lo silate bangin a inn panun a kihawl khia hi. Amaute gamdang ah teeng uh a, amau gam ding a om kei hi. Galte in umcih uh a, a suahtak theih na’ng uh lampi a om kei hi.

Esther 8:9

Tua ahih ciangin a kha thumna ahi Sivan kha a ni sawmnih-le-thum ni-in kumpipa’ lai-atte kisam a, Mordekai’ gen bang teekteekin Judah mite tung, leh India panin Ethiopia dong, gam za khat leh sawmnih-le-sagih a uk ahi gam tampi a ukte, gam khat a ukte leh tua gamsunga uliante tungah lai kihawm kik a, amau’ lai ciat leh amau’ pau ciatin kigelh hi; Judah mite’ ading zong amau’ lai leh amau pau mah-in kigelh hi.

Esther 1:8

Tua lai-ah zu nekna zia pen kihah piak cih om lo hi; bang hang hiam cih leh mi khempeuh in amau’ duh zahzah bek a neksak nading uh kumpipa in ama nuai-a uliante thupia hi.

Esther 1:3

Ama uk a kum thumna kumin ama nuai-a a uliante khempeuh leh a nasemte’ adingin pawi khat bawksak hi. Ama khut nuai-a om Persia leh Media galkapmangte leh ama nuai-a uliante leh a ma nuai-ah gam a uk sawnte a om lai takin,

Esther 1:1

Hih lai-a kigen thu piangte pen India gam panin Ethiopia gam dong, gamneu za khat sawmnih-le-sagih a uk Ahasu-eras’ hun lai-a piang thu ahi hi.

Ezra 6:2

Ahi zongin Babilon khua sungah na om lo a, Media gam sung kumpi khuapi Ekbatana-ah laizial khat kimu a, tua sungah hih anuai-a bangin a kiciamteh kimu hi:

Ezra 5:8

Judah gam, alian Pasian’ innah ka va paina uh kong theisak uh hi. Tua inn pen suang lianpite tawh kilamin a kawmte sing tawh kibawl hi; hih inn lim takin kisemin amau’ makaihna tawh a nasep uh telh mahmah uh hi.

Ezra 1:11

Kham leh ngun kibawl um-le-beelte khempeuh a vekpi-in tulnga leh zali pha hi; tua hi a, Babilon panin salte a kiciahpih kik ciangin Sheshbazzar in tua nate khempeuh Jerusalem ah ciahpih hi.

Ezra 2:2

Zerubbabel, Jeshua, Nehemiah, Seraiah, Re-elaiah, Mordekai, Bilshan, Mispar, Bigvai, Rehum leh Baanahte makai-in tua mite ciahpih uh hi. Israel mi phazahte in:

Ezra 8:35

Tua ciangin salsuahna panin inn hong zuankik mite in Israelte khempeuh’ adingin Israel Pasian’ tungah meihal biakna-in bawngtal sawm-le-nih, tuutal sawmkua-le-guk, tuuno sawmsagih-le-sagih, leh mawhna hanga biakna-in keeltal sawm-le-nih pia uh hi; hihte khempeuh pen Topa tungah meihal biakna ahi hi.

Nehemiah 12:1

Shealtiel’ tapa Zerubbabel leh Jeshua tawh hong ciahkik siampite leh Levi mite in: Seraiah, Jeremiah, Ezra,

1 KHANG TANGTHU MASATE 9:1

Tua ahih ciangin Israel khempeuh khangsimna ah kiciamteh hi; Israel Kumpite’ Laibu sungah hihte kigelh hi. Amau’ thuman’lohna hangin daan piakna-in Babilon ah salin Judah mite kipaipih hi.

1 KHANG TANGTHU MASATE 9:2

Tu-in amau’ neihsa amau’ khuapite’ sungah a teeng kik masate in Israel nautangte, siampite, Levi mite, leh biakinn nasemte ahi uh hi.

Ezra 2:70

Siampite, Levi mite, leh mi pawlkhatte Jerusalem leh a kim nai-ah teeng uh hi; lasate, kongcingte, biakinn nasemte, leh Israel khempeuh amau’ khuapi ciatah teeng uh hi.

Isaiah 48:20

Babilon panin paikhia-in, Khaldea gam panin tai in la, lungdamna tawh hih thu gen in la, tangko-in leimong dongin puak in; “Topa in ama nasem Jakob tankhia khin zo!” ci-in gen in.

Jeremiah 50:19

Israel mite pen a omna sa uh mun mah ah ka omsak kik ding a, Karmel leh Bashan mual ah an ne-in Efraim mual Gilead mualah lungkim takin a om ding uh hi.