Ezra 10:8 - Tedim Bible

⁸ leh ni thum sungin a hong tung lo a om leh uliante leh upate’ hoihsakna bangin a neihsa khempeuh kimanin, sal suaksa mihonte panin a kihawlkhiat theih nading thu taangkona khat kibawl hi.

Tedim Bible Revision 2017

⁸ le ni thum sungin a hong tung lo a om leh uliante le upateʼ hoihsakna bangin a neihsa khempeuh uh kimanin, sal suak sa mihonte panin a kihawlkhiat theih nading thu taangkona khat kibawl hi.

Ezra 10:8 Referans Kwoze

Ezra 7:26

Na Pasian’ thukham leh kumpipa’ thukham a mang lo peuhmah, sihna ahi a, hawlkhiatna ahi a, neihsa matna ahi a, thongkiatna ahi zongin, a ngah ding a kilawm thukhenna tawh khauh takin dan kitat ding hi,” a ci hi.

1 KORIN MASA 5:13

A pua lamah a omte Pasian in thu a khen ding hi. Tua a gilopa note lak pan na hawlkhia un.

Johan 16:2

Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Johan 9:34

Amaute in, “Nangmah in na suah akipan khialhna tawh kidim hi napi-in, kote thu hong hilh ding na hi hiam?” ci-in tua pa biakna innpi pan a hawlkhia uh hi.

Johan 9:22

A nu leh pate in Judah mite a kihtak manunah tua bangin a gen uh hi. Bang hang hiam i cih leh, “Zeisu in Khazih ahi hi a ci mi khempeuh biakna innpi pan kihawlkhia ding hi,” ci-in amaute in a vaihawm zo uh hi.

Mattiu 18:17

Amah in tua mite’ thu a man’ nop kei leh, pawlpite kiangah na ko in. Pawlpite’ thu a man’ kei leh, amah Gentail leh siahdongte bangin na ngaihsun in.”

Nehemiah 13:3

Mite in hih thukham a zak uh ciangin Israel mite lak panin gamdang suan peuhmah khenkhia uh hi.

1 SAMUEL MASA 11:7

Amah in bawngleeng kap khat la a, tuate sem nenin kamtaite sawlin Israel gam khempeuhah khakin, “Saul leh Samuel’ nung zui-in a kuankhia lo peuhmah a bawngtalte tungah hih bangin kihih ding hi,” ci-in gen hi. Tua ciangin mite tungah Topa kihtakna hong tung a, mihing khat bangin amaute hong kuankhia uh hi.

Thukhente 21:5

Tua ciangin Israel mite in, “Topa ading kikhopna-ah Israel minamte khempeuh sung panin kua teng hong pai lo ahi hiam?” a ci uh hi. Bang hang hiam cih leh amaute in Topa kiangah a pai lo mite tawh kisai-in Mizpah-ah kiciamna lianpi khat bawl uh a, “Kithat ding hi,” a ci uh hi.

Joshua 6:19

Ahih hangin ngun leh kham, sumngo leh sik tawh kibawl nazatte Topa adingin siangtho hi; Topa’ sumkoihna-ah tuate tung ding hi,” a ci hi.

Siampi Laibu 27:28

“Ahih hangin mi khat in a neih, Topa tungah a ap, a ki-apsa nate, mi hita leh ganhing hita leh, a luah ama lo hita leh, kizuak lo ding, kitanh lo ding hi; a ki-ap na peuhmah Topa tungah siangthopen hi.

Ezra 10:7

Tua ciangin Judah leh Jerusalem sunga a om a hong ciahkik salte khempeuh Jerusalem ah a hong kikhop nading uh,

Ezra 10:9

Tua ahih ciangin Judah leh Benjamin mi khempeuh ni thum sungin Jerusalem ah hong kikhawm uh hi; tua in a kha kuana a ni sawmnih ni ahi hi. Tua hi a, Pasian’ inn mai inntual ah hih thu hangin mi khempeuh patau-in guah lakah liingin tu uh hi.

Nehemiah 13:28

Siampi lian Eliashib’ tapa Jehoiada’ tapate khat in Horonaim khuami Sanballat’ makpa na hi hi; tua ahih manin keima kiang panin amah ka hawlkhia hi.