Ezra 10:5 - Tedim Bible

⁵ Tua ciangin Ezra ding-in a kigensa bangin amaute a gamtat nadingun a kiciam dingin siampi liante, Levi mite leh Israel khempeuh sawl a, amau zong kiciam pah uh hi.

Tedim Bible Revision 2017

⁵ Tua ciangin Ezra dingin, a kigen sa bangin amaute a gamtat nadingun a kiciam dingin siampi makaite, Levi mite le Israel mi khempeuh sawl a, amaute zong a kiciam pah uh hi.

Ezra 10:5 Referans Kwoze

Nehemiah 13:25

Amaute tai gawpin ka samsia a, pawlkhat satin a sam uh ka bawhsak gawp hi. Tua ciangin Pasian’ min tawh amaute ka kiciamsak a, “Note in amau’ tapate’ zi dingin na tanute na pia kei ding uh a, na tapate uh zi dingin ahi a, nomau’ zi dingin ahi zongin amaute’ tanu na la kei ding uh hi.

Nehemiah 5:12

Tua ciangin amaute in, “Hihte khempeuh ka pia kik ding uh a, amaute tung panin bangmah ka kal nawn kei ding uh hi; na gen bangin ka gamta ding uh hi,” hong ci uh hi. Tua ciangin siampite ka sam a, a ciamsa bangun a gamtat nadingun kiciamna ka bawlsak hi.

Mattiu 26:63

Zeisu pau loin a om hi. Siampi ukpa in, “Nang, Pasian’ Tapa Khazih na hi hiam, na hi kei hiam kote kiangah nong gen nadingin a nungta tawntung Pasian min tawh ka hong sawl hi,” a ci hi.

Paunak 27:9

Sathau namtui leh paknamtui in lungnuam sak a, lawmte’ limbawlna in tha hatsak hi.

Paunak 15:23

A hun mah-a dawn’ pah theihna lungkim huai a, a kilawm kammal tawh dawn’ pah theihna hoihzaw kan hi.

Paunak 9:9

Mipilte thuhilh lecin pil semsemna-in nei ding a, thuman mite thuhilh lecin a thu theihna khang semsem ding hi.

Paunak 1:5

Mi ciimsate ciimsak semsemin, mipilsate pilsak semsem-in,

Nehemiah 10:29

a sanggam uh ahi, amau’ makaite pawmin, Pasian’ nasem Moses in a piak Pasian’ thukham zui-in, eite’ Topa ahi Topa’ thupiakna khempeuh, ama ngeinate leh ama thukhamte a zuih nading uh kiciamna bawl uh hi.

Ezra 10:3

Tua ahih ciangin tu-in, ka Topa uh nangma ngaihsutna leh i Pasian’ thupiakna a kihta mite’ ngaihsutna bangin hih i zite leh a tate uh i mak nading thu i Pasian’ tungah kiciam ni; tua ciangin thukham sunga om bangin gamta ni.