Ezra 10:3 - Tedim Bible

³ Tua ahih ciangin tu-in, ka Topa uh nangma ngaihsutna leh i Pasian’ thupiakna a kihta mite’ ngaihsutna bangin hih i zite leh a tate uh i mak nading thu i Pasian’ tungah kiciam ni; tua ciangin thukham sunga om bangin gamta ni.

Tedim Bible Revision 2017

³ Tua ahih ciangin tu-in, ka topa uh nangma ngaihsutna le i Pasianʼ thupiakna a kihta miteʼ ngaihsutna bangin hih i zite le a tate uh i makna ding thu i Pasianʼ tungah kiciam ni. Tua ciangin thukham sunga om bangin gamta ni.

Ezra 10:3 Referans Kwoze

Ezra 9:4

Tua ciangin sal a suak hih mite’ cihtaklohna hangin Israel Pasian’ dantah ding lau-in a liing mite khempeuh keima kiangah hong kikhawm uh a, nitak biakpiak hun dong cih nading thei loin ka om hi.

Late 119:120

Nang kong zahtakna-in ka khuasikmul suak a, na thukhennate ke’n ka zahtak hi.

Late 119:59

Ka gamtatnate ka ngaihsun a, nangma ngeinate zuih ding ka kiciam hi;

Nehemiah 9:38

Hih thute khempeuh hangin a kip thuciamna khat bawlin lai-in ka gelh uh a, ka uliante uh, ka Levi mite uh leh ka siampite un zong tua lai tungah a min uh gelh uh hi.

2 KHANG TANGTHU NIHNATE 34:21

“Pai un la, a kimu laibu sunga kammalte tawh kisai-in keima ading leh Israel leh Judah ah a om lai mite adingin Topa thu na dong un; bang hang hiam cih leh i pu i pate in hih laibu sungah a kigelh khempeuh bangin sep ding Topa’ kammal na zui lo uh ahih manin eite tungah Topa’ hehna lian hi,” a ci hi.

Ezekiel 9:4

“Jerusalem khua sung khempeuh ah pai kawikawi in la, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltang-ah ciamtehna va bawl in,” ci-in sawl hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Nehemiah 8:14

Tua ciangin, a kha sagihna pawi hun sungin sawlbuk sungah Israel mite a om nading thu, leh amaute in a khuapi khempeuh uh leh Jerusalem ah taangko-in, “A kigensa bangin sawlbuk lam nadingin gam lakah pai un la, oliv hiangte leh gamlak oliv hiangte, mui sing hiangte leh nisuh hiangte, leh a teh tam singhiang dangte va sat un,” ci-in a gen ding uh, Moses tung tawnin Topa in a thupiakna pen thukham sungah a kigelh lam mu uh hi.

Ezra 10:44

Hih mite khempeuh in gamdang numei ten’pih uh a, amaute in a zite uh a tate uh tawh ma khawm uh hi.

2 KHANG TANGTHU NIHNATE 34:27

hih mun leh a tunga teengte langpan’na ama kammal na zak ciangin na lungsim kisikin Pasian mai-ah na kiniamkhiat a, keima mai-ah nang kiniamkhiatin na puante balkekin ka mai-ah kap na hih manin, kei zong nang kong za hi, Topa in ci hi.

2 KHANG TANGTHU NIHNATE 30:12

Topa’ thupiakna tawh kumpipa leh uliante’ sawlna a sem dingin Judah mite tungah Pasian in lungsim kikhatna guan hi.

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsim ah om hi.

2 KUMPI NIHNATE 11:17

Tua ciangin Jehoiada in amaute Topa’ mi ahih nading uh Topa leh kumpipa leh mite kikalah thuciamna khat bawl hi; kumpipa leh mite kikalah zong bawl hi.

Joshua 9:6

Amaute Gilgal-a giahphual-a Joshua kiangah pai uh a, amah leh Israel mite tungah, “A gamlapi gam panin kong pai uh hi; tua ahih ciangin kote tawh thuciamna khat hong bawl un,” a ci uh hi.

Ezra 10:9

Tua ahih ciangin Judah leh Benjamin mi khempeuh ni thum sungin Jerusalem ah hong kikhawm uh hi; tua in a kha kuana a ni sawmnih ni ahi hi. Tua hi a, Pasian’ inn mai inntual ah hih thu hangin mi khempeuh patau-in guah lakah liingin tu uh hi.

Ezra 10:11

Tua ahih ciangin tu-in na pu na pate uh Pasian ahi Topa tungah na mawhna uh pulak un la, ama deihna bangin gamta-in hih gam-a teeng gamdang mite leh gamdang mi ahi na zite uh tawh kikhenin tuam om un,” a ci hi.

Nehemiah 10:1

Tua lai tungah a min a gelh mite in Hakaliah’ tapa, gam ukpa Nehemiah, Zedekiah,