Ezra 10:11 - Tedim Bible

¹¹ Tua ahih ciangin tu-in na pu na pate uh Pasian ahi Topa tungah na mawhna uh pulak un la, ama deihna bangin gamta-in hih gam-a teeng gamdang mite leh gamdang mi ahi na zite uh tawh kikhenin tuam om un,” a ci hi.

Tedim Bible Revision 2017

¹¹ Tua ahih ciangin tu-in na pu na pate uh Pasian ahi Topaʼ tungah na mawhna uh pulak unla, ama deihna bangin gamta-in hih gam a teeng gamdang mite le gamdang mi ahi na zite uh tawh kikhenin tuam om un,” a ci hi.

Ezra 10:11 Referans Kwoze

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Paunak 28:13

A khialhna a im mipa a dau pai lo ding a, a mawhna pulakin a kikheel mipa in hehpihna ngah ding hi.

Ezra 10:3

Tua ahih ciangin tu-in, ka Topa uh nangma ngaihsutna leh i Pasian’ thupiakna a kihta mite’ ngaihsutna bangin hih i zite leh a tate uh i mak nading thu i Pasian’ tungah kiciam ni; tua ciangin thukham sunga om bangin gamta ni.

Joshua 7:19

Tua ciangin Joshua in Akhan kiangah, “Ka tapa aw, Israel Topa Pasian min thangsak in la, amah phat in; tu-in na gamtatnasa kei tungah hong gen in; kei tungah hong iim kei in,” a ci hi.

Kolose 1:10

Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,

2 KORIN NIHNA 6:17

Tua ahih ciangin: “Tua mite lak pan paikhia un la, a tuamin om un. A siangtho lote na lawng kei un.

Jeremiah 3:13

Na mawhna na phawk ding bek kisam hi, Topa na Pasian na langpan’na, singliim nuai khempeuh-ah khualmite tawh na khialh kawikawina leh ka thu nong man’ lohnate pulak in, Topa in kong ci hi.

Isaiah 56:4

Bang hang hiam cih leh Topa in hih bangin ci hi: “Keima sabbath nite tangin, kei hong lungdamsak thei nate teel a, ka thuciamna a lenkip a kiget mite tungah,

Late 32:5

Ka khialhna na tungah kong pulak a, ka mawhna ka im kei hi; “Ka khialhnate Topa tungah ka pulak ding hi,” ka ci hi; tua ciangin ka mawhna nin nong maisak hi.

Nehemiah 13:3

Mite in hih thukham a zak uh ciangin Israel mite lak panin gamdang suan peuhmah khenkhia uh hi.

Ezra 9:1

Hih thute khempeuh a kisep khit ciangin keima kiangah makaite pawlkhat hong pai-in, “Hih gam-a teeng gamdang mite’ nitna leh Kanaan mite, Hit mite, Perez mite, Jebus mite, Ammon mite, Moab mite, Izipt mite, leh Amor mite’ gamtat a kihhuaite panin Israel mi, siampite leh Levi mite nangawn zong, a siangtho-in tuam om lo uh hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Johan 9:24

Tua ahih ciangin, a mittaw ngeipa sam kik uh a, “Pasian phat in, hih mi in mawhnei mi ahih kote’n ka thei uh hi,” a cih uh ciangin,

2 KHANG TANGTHU NIHNATE 30:22

Tua ciangin Hezekiah in Topa’ nasepna ah a siamna hoih uh a lak Levi mite khempeuh tungah hanthotna thugen hi. Tua ahih ciangin mite in pawi an ni sagih sung ne uh a, thu-nuama biakna pia-in a pu a pate uh Pasian, Topa tungah lungdamna ko uh hi.

Ezra 10:10

Tua ciangin siampi Ezra ding to-in amaute kiangah, “Note in gamdang numeite zi-in la-in Israel mite’ mawhna na behlap uh hi.

Ezra 10:12

Tua ciangin a kikhawm mi khempeuh in dawngin kiko uh a, “Hi ta hen; na gen bangin ka hih ding uh hi.

Nehemiah 9:2

Tua hi a, gamdang mi khempeuh panin Israel mite tuam om uh a, amaute in din’sa-in amau’ khialhnate leh a pu a pate uh mawhnate pulak uh hi.

Jeremiah 7:3

A vanglian Topa, Israel mite’ Pasian in hih bangin hong ci hi. Na nuntakzia uh leh na gamtatnate uh kikhel un. Tua hi leh hih munah kong teengsak bek ding hi.

Ezekiel 18:30

“Topa Pasian ahi keimah in note kiangah kong genin ah: Israel mite aw, na gamtatnasa bang ciatun thu kong khen ding hi. Kisik kikin na gamtatsiatna khempeuh panun khawl un la, na mawhna bangun kisiasak kei un.