Ezra 10:10 - Tedim Bible

¹⁰ Tua ciangin siampi Ezra ding to-in amaute kiangah, “Note in gamdang numeite zi-in la-in Israel mite’ mawhna na behlap uh hi.

Tedim Bible Revision 2017

¹⁰ Tua ciangin siampi Ezra ding to-in amaute kiangah, “Note in gamdang numeite zi-in la-in Israel miteʼ mawhna na behlap uh hi.

Ezra 10:10 Referans Kwoze

Mattiu 23:32

Tua ahih ciangin, na pute na pate’ mawhna tehna seeng na dimsak un.

Ezra 9:6

“Ka Pasian aw, ka mawhnate un ka lu dawn uh hong vuknelhin vantung dong banto ahih manin nangma lam kong et ding maizumin ka mai san hi, ka Pasian aw.

2 KHANG TANGTHU NIHNATE 28:13

amaute kiangah, “Tu huna i khialhnate leh i mawhna behlapin Topa’ tungah mawhna eite tungah tun’pih hong sawm na hih manun hih lai-ah galmatte nong tun’pih kei ding uh hi. Bang hang hiam cih leh i mawhna lian khin zo a, Israel tungah a lauhuai hehna om hi,” a ci hi.

Gamlak-vakna 32:14

En un, Israel mite tungah Topa’ heh luatna a khangsak to lai dingin, khialhna’ tate, na pu na pate uh’ tangin hong khang na hi uh hiam!

Ezra 10:9

Tua ahih ciangin Judah leh Benjamin mi khempeuh ni thum sungin Jerusalem ah hong kikhawm uh hi; tua in a kha kuana a ni sawmnih ni ahi hi. Tua hi a, Pasian’ inn mai inntual ah hih thu hangin mi khempeuh patau-in guah lakah liingin tu uh hi.

Ezra 10:11

Tua ahih ciangin tu-in na pu na pate uh Pasian ahi Topa tungah na mawhna uh pulak un la, ama deihna bangin gamta-in hih gam-a teeng gamdang mite leh gamdang mi ahi na zite uh tawh kikhenin tuam om un,” a ci hi.

Ezra 9:14

hih banga ka thuak khit uh ciangin kote in na thupiaknate mang lo kikin, a kihhuai-in a gamta mite tawh kitengin kizom kik ding ka hi uh hiam? Tua bang hi kik le ung, a suakta, a nungta ka om nawn loh dongun kote tungah na hehna hong tung sak ding hilo na hi hiam?