Ezra 1:5 - Tedim Bible

⁵ Tua ciangin Judah leh Benjamin sunga innkuan lutangte, leh siampite leh Levi mite, Jerusalem khua-a a om Topa’ inn lamkik dingin a lungsim sung uhah Pasian in a suahsak mite khempeuh kithawi uh hi;

Tedim Bible Revision 2017

⁵ Tua ciangin Judah le Benjamin sunga innkuan lutangte le siampite le Levi mite, Jerusalem khua-a om Topaʼ biakinn a lamkik dingin a lungsim sung uh ah Pasian in a suahsak mite khempeuh kithawi uh hi.

Ezra 1:5 Referans Kwoze

Ezra 1:1

Persia kumpipa Sairas’ kum khatna kumin, Jeremiah’ tung tawnin Topa’ thugen a tun’ theih nadingin, ama gam sung khempeuh ah tangkona khat bawlin lai-in zong a gelh nadingin Persia kumpipa Sairas’ lungsim ah Topa in suak sak hi. Amah in hih bangin hih hi:

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

2 KORIN NIHNA 8:16

Note ading huhna hahkatna ka hanciamna bang uh Titu’ lungsim sungah a guang Pasian in phatna ngah ta hen.

Nehemiah 2:12

Tua ciangin zan-in vak khia-in mi tawmkhat ka tonpih hi; ahi zongin Jerusalem’ adingin ka bawlsak ding ka Pasian in ka lungsim ah hong suahsak thu kuama kiangah ka gen kei hi. Keima tuan’na sim loh ganhing dang ka kizuisak kei hi.

2 KHANG TANGTHU NIHNATE 36:22

Tu-in Persia kumpipa Sairas’ kum khatna kumin, Jeremiah’ kam pana Topa’ thugen a tangtun’ theih nadingin, Topa in Persia kumpipa Sairas’ lungsim hanthawn a, amah in a kumpigam sung khempeuh ah taangkona khat bawl a, lai-in zong gelh hi.

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.

Paunak 16:1

Mite in bangbang a geel zongin, Topa’ deihna bang bekin a piang ding hi zaw hi.

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.

Ezra 1:4

tua ciangin koi lai koi lai muna om hi taleh Judah mi a om lai khempeuh, a omna mun mite in Jerusalem-a om Pasian’ inn adingin ut thu-a piakna a piakte uh banah, ngun leh kham, nate leh ganhingte tawh zong huh uh hen,” a ci hi.

Haggai 1:14

Tua hi a, Topa in Judah gam ukpa Zerubbabel, siampi lianpa Jehozadak’ tapa Joshua leh salsuahna panin a hong ciahkik mi khempeuh’ sungah biakinn lam nopna lungsim a guan hi. Topa, amau’ Pasian’ biakinn lam dingin hong kithawi uh a,