Ezra 1:2 - Tedim Bible

² “Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.

Tedim Bible Revision 2017

² “Persia kumpi Sairas in hih bangin ci hi: Vantung Pasian, Topa in leitung kumpi gam khempeuh keima tungah hong pia khin a, Judah gam sung Jerusalem khua ah ama adingin biakinn khat ka lamsak ding hong sawl hi.

Ezra 1:2 Referans Kwoze

Isaiah 44:26

a nasempa’ thu kip sakin, a kamtaite’ thugente a tangtungsak; ‘Jerusalem khua-ah mi teengin, Judah khuapite kilamkik ding a,, a kisia khuate ka lamkik ding hi’;

Daniel 5:23

Vantung Topa langah na pang hi. A biakinnpi hai leh kuangte la-in sabuai tungah nangmah tawh, na u liante tawh, na zite leh na zi-neute uh tawh zu dawnna-in na zang uh hi. Theihna a neilo, a mu thei lo, khua a za thei lo, ngun, kham, sumngo, sik, sing leh suang tawh a kibawl pasiante’ min na phat uh hi. Na nuntakna leh na hihna khempeuh a hong uk Pasian na zahtak kei hi.

Daniel 4:32

Mite sung pan hong kihawlkhia ding a, gamsate tawh na teeng khawm ding hi. Bawngtal bangin kumsagih sung lopa na ne ding hi. Tua ciangin Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi,” a ci hi.

Daniel 4:25

Mite sung panin hong kihawlkhia ding a, gamsate tawh na teeng khawm ding hi. Bawngtal bangin lopa na ne ding a, pua lamah lumin, kumsagih sung na tungah daitui a hong kia ding hi. Tua ciangin Sangpen Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukkhadnezzar kumpipa tungah a hong hilh zo hi.

Daniel 2:21

Amah in hun leh khuahunte kheel; kumpite a koih a, lah a lakhia hi. Amah in mite pilna leh theihna a pia hi.

Jeremiah 10:11

Amaute tungah, “Vantungte leh leitung a bawl lo pasiante, leitung mun khempeuh panin a mangthang ding uh hi,” ci-in na gen ding hi.

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

2 KHANG TANGTHU NIHNATE 2:12

Tua ciangin a lai sungah gen thuah lai a, “Topa adingin biakinn khat, leh ama adingin kumpi inn khat a lam ding, thu theihna leh thu telna tawh a kidim tapa pil, David tungah pia-in, van leh lei a bawl Israel Topa Pasian in thupha ngah ta hen.

1 KUMPI MASATE 8:27

“Ahih hangin leitungah Pasian teeng taktak ding ahi hiam? En in, vantung leh vantung a sangpen in nang hong huam zo lo hi; keima lamsa hih inn in bangzahin nang hong huam zo lo zaw kan ding ahi hiam!

Ezra 1:5

Tua ciangin Judah leh Benjamin sunga innkuan lutangte, leh siampite leh Levi mite, Jerusalem khua-a a om Topa’ inn lamkik dingin a lungsim sung uhah Pasian in a suahsak mite khempeuh kithawi uh hi;

Ezra 3:7

Tua hi a, amaute in suangseekte leh khutsiamte tungah sum pia uh a, Persia kumpipa Sairas’ tung panin a thu ngahna bangun Lebanon mualtung gam panin tuipi gei Joppa khua ah taamtaak singte a hong puaksuk ding Sidon khuamite leh Tai-ar khuamite tungah zong annek tuidawn leh sathau a pia uh hi.

Ezra 4:3

Ahih hangin Zerubbabel, Jeshua leh Israel sunga innkuan lutang a om laite in amaute kiangah, “Kote’ Pasian’ adingin ka lam uh inn in note hong lunghihmawhpih ding hi lo hi. Persia kumpipa Sairas in kote hong thupiaksa bangin Israel Pasian, Topa adingin ko teng bek mah in ka lam ding uh hi,” a ci uh hi.

Late 136:26

Vantung’ Pasian’ tungah lungdamna ko un, bang hang hiam cih leh ama itna kip kho tawntung hi.

Isaiah 41:2

A nasem dingin dikna tawh samin, nisuahna pan-a mipa kua in hanthawn ahi hiam? Amah in ama khut sungah minamte piakhia ahih manin, amah in kumpite tuancil hi; amah in a namsau tawh amaute leivui bangin bawl a, ama thal tawh nahpa leeng bang sak hi.

Isaiah 44:28

Sairas kumpipa in ka tuucingpa hi a, ka deihna teng tung sak ding hi’; ‘Jerusalem kilam ding a,’ biakinn pen, ‘Na bulpi kiphut ding hi,’ a ci Topa ka hi hi.”

Isaiah 45:1

Kulh kongpite a kikhak loh nadingin ama mai-ah kongkhakte a honsak ding, kumpite’ vangliatnate a lakkhiat sak ding, ama mai-ah minamte a zawh sak dingin, a taklam khut a len, a sathau nilhpa Sairas tungah Topa in hih bangin ci hi:

Daniel 6:25

Tua ciangin Darias kumpipa in leitunga om minam kimte, minam tuamtuamte leh paunam tuamtuamte khempeuh tungah lai khak a: “Na tung uhah nopsakna om ta hen.

Jonah 1:9

Amah in, “Keimah in Hebru mi ka hi hi; tuipi leh leitung a bawl, vantungte’ Pasian ahi Topa ka bia hi,” a ci hi.

Ezra 5:15

kumpipa in ama tungah, “Hih um-le-beelte paipih in la, Jerusalem a, biakinn ah va koihkik in; tua lai-a Pasian’ inn pen a mun ngei mah ah lamkik sak in,” ci hi.

Ezra 6:3

“Kumpi Sairas’ kum khatna kumin Jerusalem khua a, Pasian’ inn tawh kisai-in kumpipa in hih thu pia hi: Biakna kipia-in meihal biakna a kipaipihna munah inn lamsak kik un; a mai panin a san’na tong sawmguk, a vai tong sawmguk mah hi ding a,

Ezra 6:10

Tua hi leh amaute in vantung Pasian’ tungah a namtui biaknate pia-in kumpipa leh a tapate’ nuntak nading thu hong ngetsak thei ding uh hi.

Ezra 7:12

“Kumpite’ kumpi ahi Artakzaksis kiang panin vantung Pasian’ thukham a siam, siampi hi-in lai theipa lah ahi Ezra tungah:

Nehemiah 1:4

Hih thu ka zak ciangin tusukin ka kap niloh a, ni tampi sung an tangin, vantung Pasian kiangah thu ka ngen hi.

Nehemiah 1:5

Ka thungetna-ah, “Aw vantung Pasian, Topa, nang hong itin na thupiakna a zuite tungah na thuciamna lim takin a zui, a lian a kihtak-huai Pasian aw,

Late 85:2

Na mite’ mawhna na maisak a, amau khialhna khempeuh na maisak hi.

Paunak 21:1

Topa’ khut sungah kumpipa om a, lo sunga tui lak bangin a deihna peuhah hei kawikawi thei hi.

Jeremiah 27:5

‘Keimah in a lian mahmah ka vangliatna tawh ka khut zan-in, leitung leh leitung-a om mite leh ganhingte ka bawl a, piaktuak ka sakte’ tungah ka pia hi.

Jeremiah 29:10

“Topa in kong cih-inah: Babilon khua-ah kum sawmsagih na om khit uh ciangin, note kong kan kik ding a, kong kamciamna sa hong tangtung sakin, hih munah kong la kik ding hi.

Daniel 1:21

Sairas, Babilon kumpi a suah dong kumpi innah Daniel a om to paisuak hi.