Efesa 6:9 - Tedim Bible

⁹ Tote aw, tawn’na om loin na silate uh tungah tua bangin na bawl un. No leh amau Topa in vantungah om a, amah in kuama maitang zahtak lo hi cih na thei un.

Tedim Bible Revision 2017

⁹ Tote aw, silate in note hong bawl mah bangin note in zong amaute limbawl unla, tawn gawpgawpnate zang nawn kei un. Note le na silate uh vantung panin To khat khutnuai ah a om na hihna uh le tua Topa in kuamah maitang zahtak tuam nei loin a kibangin mi khempeuh thu a khen ahihna thu na phawk ta un.

Efesa 6:9 Referans Kwoze

Kolose 3:25

Bang hang hiam na cih uh leh, dik lo-a gamta mi in ama hihna mawhna a thuak ding hi. Kuama maitang zahtakna a om kei ding hi.

Sawltak 10:34

Piter in a kam ka-in thu a hilh-inah, “Pasian in mite maitang et tuam a nei kei hi cih ka thei takpi hi.

ROM (Romans) 2:11

Bang hang hiam na cih uh leh, Pasian in kuama maitang a zahtak kei hi.

Luka 6:31

Note tungah hong kibawl ding na deih bangun, mite tungah zong na bawl un.

Mattiu 7:12

Tua ahih ciangin, nang tungah hong kibawl ding na deih bangin, midangte tungah na bawl in. Hih thu in Pasian’ Thukham leh Pasian’ kamsangte thu sung pan a bulpi ahi hi.”

Thu-hilhkikna 10:17

Bang hang hiam cih leh Topa na Pasian un a lian, a vanglian a kihtak huai Pasian, angvan nei loin, sumgolh a la lo, pasiante’ Pasian, topate’ Topa ahi hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Jeim 2:8

“Na pumpi na it bangin na lawmte na it in,” a kici Thukham na zuih uh leh, a pha in na gamta zo uh hi.

1 KORIN MASA 1:2

Khazih Zeisu hangin mawhna tawh kipelh, misiangtho dinga hong koih ahi Korin khua ah a om Pasian’ pawlpite akipan, mun khempeuh ah eite Topa bek hi lo amau Topa zong ahi, Topa Zeisu Khazih kiangah thu a ngen mi khempeuhte kiangah thu kong zasak uh hi.

Johan 13:13

Note in keimah ‘Sia’ leh ‘Topa’ nong ci uh hi. Tua thu aman hi, nong cih uh bangin ka hi hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

1 KORIN MASA 7:22

Bang hang hiam cih leh, sila ahihna-ah Topa’ sapna a ngah mi in Topa-ah suakta mi ahi hi. Tua mah bangin to neih lohna pan sapna a ngah mi in Khazih’ sila ahi hi.

Mattiu 24:51

tua nasempa vua-in misimtatte tawh a omkhawmsak ding hi. Kahna leh ha gawina a om ding hi.”

Mattiu 24:48

Ahi zongin nasem gilopa khat in, ‘Ka topa hong pai hak ding hi,’ ci-in a lungsim sungah ngaihsun a;

Mattiu 22:10

A nasemte in lampi-ah paikhia uh a, a gi, a gilote, a muh khempeuh a kikhawmsak uh a, mopina pawi sungah mi a dim hi.

Mattiu 22:8

Tua laitakin kumpipa in a nasemte kiangah, ‘Ka mopina pawi ding teng a baihsa-in a om hi. Ahih hangin ka sapsate a kilawm kei uh hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Daniel 3:15

Tua ahih ciangin tu in peengkulte, tamngaite, laiza lasakna gingte, harp lasakna gingte, gawsem leh tum theih dang gingte na zak khitphet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong honkhia zo ding pasian peuhmah omin na um uh hiam?” a ci hi.

Daniel 3:6

Kun-a a bia lo peuhmah thakhat thu-in mei phualpi sungah kikhul pah ding hi,” ci-in ngaih takin kitangko hi.

Isaiah 47:6

Ka mite’ tungah ka heh a, keima luah gamh ka ninsak hi; nangma khut sungah amaute kong pia a, nang in amaute na hehpih kei hi; a khangham mite tungah na hakkol na giksak mahmah hi.

Thuhilh-sia 5:8

Kumpite in mizawngte gim ngah sakin, thuman thutangin na a kisep kei leh, lamdang sa kei in. Uliante pen amau’ tunga uliante in en uh a, tuate tungah a en sawn a lianzaw khat om lai hi.

Late 140:12

Topa in a thuak mite’ thu a panpihna, mi cimawhte’ adingin thu a manin a khenna ka thei hi.

Nehemiah 5:5

Amaute in, “Kote in ka behte uh mah bangin si-le-sa kibang hi-in, ka naupangte uh zong amau’ naupangte mah bangin a hoih hi napi-in, ka tanute uh leh ka tapate uh sal suak dingin ka phum uh hi. Ka tanute uh pawlkhat zong sal suak khin a, ka lote uh leh ka leenggui lote uh midangte’ aa suak khin ahih manin amaute tat nadingin ka hih zawh uh bangmah om lo hi,” hong ci uh hi.

1 SAMUEL MASA 15:17

Tua ciangin Samuel in, “Nang na kineu ngaihsut hun a om hangin, tu-in nang in Israel minamte’ lutang hilo na hi hiam? Topa in Israelte tungah kumpi-in nang sathau hong nilh hi.

Siampi Laibu 19:13

“Note in na vengte uh na nengniam kei ding uh a, a na na sut kei ding uh hi. A kicial nasempa’ thaman pen a zingsang dong zan tawntung na kemcip kei ding uh hi.

JOB (Job) 34:19

Pasian pen mi khempeuh a piangsakpa hi a, amah in uliante panpih tuan lo a, mizawngte sangin mihaute thupi ngaihsut zaw tuan lo hi.

Kolose 4:1

Tote aw, note in zong vantungah om Topa khat na neih uh na thei un la, thuman thutak leh a kilawm a kituakin na silate uh na bawl un.