Efesa 6:2 - Tedim Bible

^2-3 “Nangmah in nuam sa-in leitungah na nuntakna a sau nadingin ah na nute na pate na zahtak in,” ci-in thuciamna tawh kipawl a masa bel thukham ahi hi.

Tedim Bible Revision 2017

^2-3 Thupiakna a lian khat in, “Na nu le na pa zahtak in,” cihna hi a, khapna thu tawh kizom pahin, “Zahtak lecin nang adingin thu hong hoihin, leitungah na khan a sau ding hi,” na ci pah hi.

Efesa 6:2 Referans Kwoze

Paikhiatna 20:12

“Topa na Pasian in nang hong piak leitang tungah na khan’ a sau theihna dingin na nu leh pa zahtak in.

Thu-hilhkikna 27:16

“A nu ahi a, a pa ahi zongin a zahtak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Paunak 20:20

Na nu leh na pa na samsiat leh, khuamial sunga meivak kisumit na bang ding hi.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Ezekiel 22:7

A nu a pa a zahtakbawl kuamah om lo hi. Peemtate kikhen gawp a, meigong leh tagahte zong kihih thothop hi.

Jeremiah 35:18

Ahih hangin Jeremiah in Rekhab behte’ kiangah, “A vanglian Topa, Israel mite’ Pasian in hong gen-inah: Na pa uh Jonadab’ hong thupiakna mangin, a hong thuhilhna bangin zui-in, a hong sawl khempeuh sem khin na hih manun

ROM (Romans) 13:7

Mi khempeuh ngah ding a kilawm bangin na pia un. Phiangsiah ngah ding a kilawmte phiangsiah na pia un. Kihtak ding a kilawmte na kihta un. Zahtak ding a kilawmte na zahtak ta un.

Thu-hilhkikna 5:16

“Topa na Pasian in hong piak leitang tungah na khan’ sau-in na nopsak theih nadingin Topa na Pasian in hong thupiak bangin na nu na pa zahtak in.

Jeremiah 35:7

Inn na lam kei ding uh a, khaici na tuh kei ding uh hi. Singno na suan kei ding uh a, leenggah lo na bawl kei ding uh hi. Ahih hangin na teen’ pakna uh gam sungah sau veipi na teen’ theih nadingun na nuntak hun sung teng uh puanbuk sungah na teeng ding uh hi,’ hong ci hi.

1 TIMOTI MASA 5:4

Ahih hangin ta leh tu a nei meigongnu ahih leh, a tute a tate in a masa-in amau innkuanpihte zahtakin, a pa, a pite’ hehpihna thukkik nading sin uh hen. Bang hang hiam cih leh, tua bang hihna in Pasian mai-ah a deihhuai ahi hi.