Efesa 6:12 - Tedim Bible

¹² Bang hang hiam na cih uh leh, eite in ci-le-sa tawh kido i hi kei hi; asang belte tawh ahi zongin, ukte tawh ahi zongin, vangliatna tawh ahi zongin, leitung tawh kipawl khuamial ukte tawh ahi zongin, vantung tawh kipawl munah a om gilo khate tawh ahi zongin i kido hi.

Tedim Bible Revision 2017

¹² Eiteʼ do pen si le sa a nei leitung mite hi lo a, vantung huihlak a thuneite, aana neite, hih leitung khuamial gam a ukte le huih khua a om kha gilote ahi hi.

Efesa 6:12 Referans Kwoze

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

Kolose 2:15

A sangbel vangliatna leh uknate a laksak khit ciangin, kitel takin lak a, singlamteh hangin zawhna pawi a khaam hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Efesa 1:21

Na khempeuh a sang belna, ukna, vangliatna leh aana-a kipan tu laitak leitung bek hi lo, nung ciangin a piang ding leitungah a kisam a kiphuak min khempeuh tung, vantungah ama ziat lam a sang mahmah omna-ah a tu sak hi.

ROM (Romans) 8:38

Bang hang hiam na cih uh leh, sihna ahi zongin, hin’na ahi zongin, vantungmite ahi zongin, ukna ahi zongin, tu lai taka omte ahi zongin, tu nung ciangin a om dingte ahi zongin,

Efesa 3:10

Tua ahih ciangin i Topa Khazih Zeisu sungah Pasian’ tawntung ngimna omsa bangin vantungah a om ukna leh vangliatnate in pawlpi hangin, a lamdang Pasian’ lungpilna a kitheih nading ahi hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

1 KORIN MASA 15:50

Ute naute aw, ke’n kong cih-inah, si-le-sa in Pasian’ Gam a luah zo kei ding hi. A muat theite in a muat theih lohna a luah zo kei ding hi.

1 PETER MASA 3:22

Tua Topa vantungah kahto a, Pasian’ ziat lamah a tu hi. Vantungmite akipan, a ukte leh vangliatnate in ama nuai-ah kikoihin a om hi.

Hebru 12:1

Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in

Johan 14:30

Tu-a kipanin note kiangah thu tampi kong gen nawn kei ding hi. Bang hang hiam na cih uh leh, hih leitung ukpa hong pai a; ahih hangin kei tungah thu a nei kei ding hi.

Johan 12:31

Tu-in hih leitung in thukhenna a thuak ding hi. Tu-in hih leitung ukpa kihawlkhia ding hi.

Johan 16:11

Hih leitung ukpa in thukhenna thuak zo ahih ciangin, thukhenna a pulak ding hi.”

JOB (Job) 2:2

Tua ciangin Topa in Satan kiangah, “Koi lai panin hong pai na hi hiam?” a ci hi. Satan in Topa dawngin, Leitung khempeuh a lu pan a taw dong vak kawikawi-in ka va pheklekna mun panin kong pai hi,” a ci hi.

Luka 22:53

Keimah in ni simin biakna innpi sungah note tawh ka omkhop lai takin na hong man kei uh hi. Ahih hangin hih hun in note hun leh khuamial’ vangliatna hun ahi hi,” a ci hi.

Luka 13:24

Zeisu in, “Kong kawciik ah na lut zawh nadingun hahkat un. Bang hang hiam na cih uh leh, tampi in a lut nop ding uh hangin a lut zo kei ding uh hi, kong ci hi.

2 TIMOTI NIHNA 2:5

Tua mah bangin mi khat in tai a kidem ciangin ngeina bangin a kidem kei leh, a gualzote’ ngah lukhu a ngah kei ding hi.

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Hebru 12:4

Note in mawhna khialhna tawh kido-in sisan suah dongin na thuak nai kei uh hi.

Galati 1:16

a Tapa’ Lungdamna Thu Gentailte kiangah hilh dingin, ama deihna tawh kituakin ama Tapa kei sungah a kilatsak ciangin, keimah in si-le-sa tawh vaihawm loin,

Marka 4:19

sum leh pai khemna leh, adang deihgawhna lutin thu depgawp a, gah zo lo uh hi.

2 KORIN NIHNA 11:14

Hih thu in lungmanhuai hi lo hi. Satan nangawn in khuavak tawh kipawl vantungmi bangin a kibawl thei hi.