Efesa 6:10 - Tedim Bible

¹⁰ A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Tedim Bible Revision 2017

¹⁰ Tu a kipanin Topa tawh na kipawlna uh le ama vangliatna hangin na tha uh khauhsak ta un.

Efesa 6:10 Referans Kwoze

Filippi 4:13

Hong thahatsakpa Khazih hangin na khempeuh ka hih thei hi.

Isaiah 40:31

Ahih hangin Topa a ngak mite a tha uh dimkik ding a, muvanlai bangin kha tawh leengto-in, amaute tai napi-un tawl lo ding uh a, amaute lam pai napi-un gim lo ding uh hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

Kolose 1:11

thahatna tawh dimin ahi zongin Topa tawh a kilawmin gamta-in, na khempeuh ah a hong theihsak nadingin Pasian tawh kipawl theihna leh pilna apawlpawl tawh, ama deihna khempeuh na tel nadingun thu ka ngen uh hi.

Efesa 1:19

eite tungah hong bawlpha a lian mahmah vangliatna bangzaha lian ahi zongin note in na theih nadingun, na pilna mittang uh a vak nadingin thu ka ngen hi.

Efesa 3:16

Ka thungetna in: Topa in ama Kha Siangtho hangin note sung mi un hatna tawh kip tawntungin,

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Isaiah 40:28

Thei nai lo na hi hiam? Za nai lo na hi hiam? Topa pen tawntung Pasian hi a, leitung mong khempeuh a Piangsakpa ahi hi. Amah gim lo a, zong tawl lo hi; ama thu theihtelna kigen zo lo hi.

2 TIMOTI NIHNA 2:1

Tua ahih ciangin ka ta aw, nangmah in, Khazih Zeisu sungah a om hehpihna thupha tawh thahatin om in.

2 KHANG TANGTHU NIHNATE 15:7

Ahih hangin nang, hang in! Na sepna thaman hong kipia ding ahih manin na khut zawsak kei in,” a ci hi.

Haggai 2:4

Tu-in Zerubbabel aw, thahat in Siampi lianpa, Jehozadak’ tapa Joshua aw, thahat in gam sunga om mi note khempeuh aw, thahat un Topa in ci hi. Note tawh hong omkhawm ka hih manin nasep kipan un.

Late 138:3

Nang kong sap ciangin kei nong dawng a, na thahatna tawh kei nong thakhauhsak hi.

Filippi 4:8

A khak bel thu in: ute naute aw, thuman thu tawh kipawl nate, zahtakhuai nate, adik nate, a siangtho nate, deihhuai nate, phathuai nate khempeuh ahi zongin, tatna pha khatpeuh peuh, thu phatna khatpeuh peuh tawh a kipawl nate ahi zongin na lungsim sung uhah na ngaihsun un.

Zekhariah 8:13

A beisa hun-ah, Judah gam mite leh Israel gam mite pen, minam dangte in hamsiatna kamin zang uh a, ‘Judah leh Israelte thuak bangin thuak un,’ kici uh hi. Ahi zongin note kong honkhia ding a, tu-in midangte in, ‘Judah leh Israel bangin thupha ngah un,’ ci-in thupha piakna-in kinei ding uh hi. Tua ahih manin na lungsim uh hangsak un la lau kei un.

1 KHANG TANGTHU MASATE 28:10

Biakinn dingin inn khat a lam dingin Topa in nang hong teel khin ahih manin tu-in kingaihsun in; thahat in la, sem in,” a ci hi.

1 SAMUEL MASA 23:16

Tua ciangin Saul’ tapa Jonathan ding-in David kiang Horesh ah pai a, Pasian in hong huh ding hi, ci-in amah hanthawn hi.

Zekhariah 8:9

“Thakhauhin lungsim hang un. Ka biakinn a kilamkik nading a bul a kiphuh lai takin kamsangte in a gen thute mah a za na hi uh hi.

Thu-hilhkikna 31:23

Topa in Nun’ tapa Joshua sawlin, “Thahat in la, hang in; bang hang hiam cih leh amaute piak dingin ka kiciam leitang tungah Israel mite na paipih ding hi; nang tawh kong om ding hi,” a ci hi.

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang in la, sem in. Lau kei in, lungkia kei in; bang hang hiam cih leh Topa Pasian, kei’ Pasian nangawn nang tawh om hi. Topa’ inn sung nasepna khempeuh a nasepna khempeuh a kizawh matengin amah in nang hong tamasak lo, hong nusia lo ding hi.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

1 PETER MASA 3:8

A tawpkhakna kam in, note khempeuh lungsim kikhatin om un, hehpihna lungsim nei un. Unau bangin na ki-it un, na kidahpih un, lungniamkhiatna na nei un.

Filippi 3:1

A khak bel thu in: ka it ka ute ka naute aw, Topa sungah na lungdam ta un. Hih bangin ka hong gelhkik hangin ka gim kei hi, note ading bitna ahi hi.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.

1 JOHAN MASA 2:14

Pate aw, a cil pan a om mi na theih manunah note kiangah lai kong gelh hi. Tangvalte aw, na thakhauh uh a, note sungah Pasian’ thu om a, a gilopa na zo uh ahih ciangin note kiangah lai kong gelh hi.