Efesa 6:1 - Tedim Bible

¹ Tanute tapate aw, Topa’ deih bangin na nute na pate thu uh na mang un. Bang hang hiam na cih uh leh, hih gamtatna in thuman ahi hi.

Tedim Bible Revision 2017

¹ Tate aw, na nu na pate uh thu na man ding uh Khristian ngeina hi a, ahi ding mah ahi hi.

Efesa 6:1 Referans Kwoze

Paunak 23:22

Na pian’na na pa’ thu ngai in la, na nu a teek ciangin simmawh bawl kei in.

Paunak 6:20

Ka ta aw, na pa’ hong gen bangin gamta in la, na nu’ hong thuhilhte mangngilh ngei kei in.

Paunak 1:8

Ka ta aw, na pa’ hong thuhilhna zui in la, na nu’ hong thugente ngai in.

Thu-hilhkikna 21:18

“Mi khat in a lungkhauh, a lehdo thei, a nu’ thu ahi a, a pa’ thu ahi zongin a mang lo, a tai hangun amau thu a ngai lo tapa khat a neih leh,

Siampi Laibu 19:3

Note a kuamah peuh in na nu leh na pa uh zahtakin, note in ka sabbath-te na tang ding uh hi; keimah in Topa na Pasian uh ka hi hi.

1 TIMOTI MASA 5:4

Ahih hangin ta leh tu a nei meigongnu ahih leh, a tute a tate in a masa-in amau innkuanpihte zahtakin, a pa, a pite’ hehpihna thukkik nading sin uh hen. Bang hang hiam cih leh, tua bang hihna in Pasian mai-ah a deihhuai ahi hi.

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Paunak 30:17

A pa a simmawh mipa, a nu’ thu a mang nuam lo mipa, va-ak in a mittang khel khiatsakin, musanete in a sa ne ding uh hi.

ROM (Romans) 7:12

Tua hi a, Thukham in a siangtho hi. A thu in zong a siangtho, a dik, a pha hi.

Luka 2:51

Amah in amaute tawh ciahsuk khawm a, Nazareth khua-ah tungin amaute thu mangin a om hi. A nu in hih thu khempeuh a lungsim sungah a ciamteh hi.

JOB (Job) 33:27

Tua ciangin amah in mihonpite’ zakin, ‘Kei ka khial khin hi. A manin ka gamta kei a, ahi zongin Pasian in hong suaktasak hi.

1 PETER MASA 2:13

Topa ading a lian bel kumpipa ahi zongin, a pha lo gamta mite daan pia ding leh a pha gamta mite pahtawi dingin kumpipa in a koih mangte ahi zongin, mite in a koih ukna nei khempeuh ahi zongin na mang un.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Paunak 30:11

A pate samsia-in a min a dai sak a, nute a phat lo mi pawlkhat om hi.

Piancilna 28:7

Jakob in a nu leh a pa’ thu mangin Paddan-aram-ah a paina thu tu-in Esau in thei hi.

Late 19:8

Topa’ thuhilhte man a, lungsim nuam sak hi; Topa’ thupiakna siang a, mitte vaaksak hi.

Esther 2:20

ama hilhna tawh kizui-in Esther in ama minam ahi a, a innkuan ahi zongin pulak lo hi; Mordekai’ kep sungin ama thu a man’ mah bangin tu-in zong Mordekai’ gen bangin gamta hi.

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

ROM (Romans) 16:2

Misiangthote in ahih ding a kilawm bangin, Pasian hangah tua numei na tungsak un la, amah huh dinga a kisapnate khempeuh na huh ta un. Bang hang hiam na cih uh leh, amah in mi tampi ahi zongin, keimah ahi zongin hong huh mi ahi hi.

Late 119:75

Topa aw, na biakna ngeina kipte man hi ci-in ka thei a, na thumanna hangin kei dan nong pia hi.

Piancilna 37:13

Israel in Josef kiangah, “Na sanggamte in Shekhem-ah tuuhon cing hilo ahi hiam? Hong pai in, amau' kiangah hong sawl ning,” ci hi. Amah in a kiangah, “Hiah om ing,” ci hi.

Jeremiah 35:14

Rekhab’ tapa Jonadab in a tate’ tunga leenggahzu a dawn loh nading uh a thupiakna a zui uh a, tuni ciang dong bangmah a dawn kei uh hi. Bang hang hiam cih leh amaute in a pa uh’ thupiakna a mang uh hi. Keimah in note kong hopih tawntung hangin ka thu nong mang kei uh hi.

Nehemiah 9:13

Sinai Mual tungah kumsukin, vantung panin amaute hopihin, amaute tungah a man thukhenna, thukham taktak, a hoih ngeinate leh thupiaknate na pia a,

1 SAMUEL MASA 17:20

Tua ciangin Jessi in amah a thupiak bangin zingsangin David tho baihin, a keem ding mi khat tawh a tuute nusia a, a ante pua-in pai hi; mihonte galphual ah pai-in galdo kikona a ot lai takun amah giahphual va tung hi.

Late 119:128

Tua ahih ciangin na thuhilhte khempeuh tawh kituakin kei ka gamta hi; a man lo lampi khempeuh ka mudah hi.

Ruth 3:5

Tua ciangin amah in dawngin, “Na gen khempeuh ka hih ding hi,” a ci hi.

Jeremiah 35:8

Kote in Rekhab’ tapa ka pa uh Jonadab’ hong thupiak khempeuh ka mang uh a, ka nuntak hun sung teng uh ko-a kipan ka zite uh, ka tapate uh leh ka tanute uh in leenggahzu dawn loin,

Jeremiah 35:18

Ahih hangin Jeremiah in Rekhab behte’ kiangah, “A vanglian Topa, Israel mite’ Pasian in hong gen-inah: Na pa uh Jonadab’ hong thupiakna mangin, a hong thuhilhna bangin zui-in, a hong sawl khempeuh sem khin na hih manun

Piancilna 48:12

Tua ciangin Josef in amaute a khuk panin lakhia-in, amahmah lei lam nga-in kun hi.

Piancilna 50:12

Tua ahih ciangin amah in amaute a thupiak bangin ama' tapate in ama adingin bawlsak uh hi;