Efesa 5:9 - Tedim Bible

⁹ Bang hang hiam na cih uh leh, khuavak’ gah in a hoihna khempeuh, dikna khempeuh, thuman thutak ahi hi.

Tedim Bible Revision 2017

⁹ Bang hang hiam cih leh khuavak sunga omna in a hoih, a man, a thutakte hong piangsak hi.

Efesa 5:9 Referans Kwoze

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.

ROM (Romans) 15:14

Ute naute aw, note in lungsim pha tawh dimin, pilna tawh na dim uh a, khat leh khat thu na kihilh thei uh, ci-in ka um hi.

Efesa 6:14

Tua ahih ciangin thuman thutak kawnggak na gak un la, dikna awmdalna na bulh un la,

1 TIMOTI MASA 6:11

Pasian’ mi aw, nang na hih leh, tua mawhnate pel in la, dikna, Pasian biakna lamah nopsakna, upna, itna, thuakzawhna, lungnemnate na phak matengin na delh in.

1 JOHAN MASA 2:29

Amah in midik ahih note in na theih uh leh, dikna thu a sem mi khempeuh in zong ama pian’sak mi ahi uh hi, cih na thei uh hi.

Hebru 11:33

Tua mite in upna tawh gamte a zo uh hi, thuman thu a khen uh hi, thuciamna a ngah uh hi, humpinelkai’ kam a khak uh hi,

Efesa 4:15

itna tawh thuman thutak geninah lutang ahi Khazih dongin na khempeuh i khan’ nading ahi hi.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

Hebru 1:8

A Tapa thu ahih leh: “Pasian aw, na tokhom in A om tawntung tokhom ahi hi, Dikna ahi ukna Ciang in Na gam ukna ciang ahi hi.

Efesa 4:25

Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.

Johan 1:47

Nathanael hong pai Zeisu in a muh ciangin, “En un, ama sungah kheemna om lo Israel mi taktak ahi hi,” ci-in tua pa’ thu a gen hi.

Mattiu 3:8

Mawhna kisik kikna tawh kilawm gah na gah un.

Kolose 3:18

Numeite aw, Topa sungah a kilawm mah bangin, pasalte hong ukna na mang un.