Efesa 5:8 - Tedim Bible

⁸ Bang hang hiam na cih uh leh, nidang lai-inah note in khuamial na hi uh hi; tu-in na hih uh leh, Topa sungah khuavak na hi uh hi. Tua ahih ciangin khuavak’ tate bangin na gamta un.

Tedim Bible Revision 2017

⁸ Note pen khuamial sungah a omngei hi napi-in, Topaʼ mi na suah khit uh ciangin khuavak sungah a om hi ta na hih uh manin khuavak sungah a om mite bangin na gamta un.

Efesa 5:8 Referans Kwoze

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Johan 12:46

Kei hong um mi in khuamial lakah a om loh nadingin kei khuavakin leitungah kong pai hi.

Efesa 4:18

Tua mite in a lungsim uh khauh a, neu kha beek thei lo ahih ciangun pilna khuavak kiliahin Pasian’ nuntakna tawh a kikhen uh hi.

Johan 12:36

“Khuavak in note tawh a omkhawm lai takin khuavak’ tate na suah nadingun khuavak na um un,” ci-in a gen hi. Tua thu teng Zeisu in a gen khit ciangin, paikhia-in a bu hi.

Isaiah 9:2

Khuamial sunga a pai mite in khuavak lianpi mu khin ta hi; sihna lim thukna gam sunga a teeng mite tungah khuavak taang khin zo hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Titu 3:3

Bang hang hiam na cih leh, nidang lai-inah eite in zong a pil lo mi, thungai lo mi, kheemna a thuak mi, deihgawhna a pawlpawl leh gualnop uukna’ sila i hi a, hazatna, en’na a gamta mi, a muhdahhuai mi, khat-le-khat kimudah mi i hi ngei hi.

Luka 16:8

Thuman lo sumkempa in pilna tawh ahih ciangin a topa in a phat hi. Bang hang hiam na cih uh leh, leitung’ tate in amau khang lakah khuavak’ tate sangin a pil zaw uh hi.

Isaiah 2:5

Jakob’ suan leh khakte aw, hong pai un, Topa’ khuavak sungah gamta ni.

Efesa 6:12

Bang hang hiam na cih uh leh, eite in ci-le-sa tawh kido i hi kei hi; asang belte tawh ahi zongin, ukte tawh ahi zongin, vangliatna tawh ahi zongin, leitung tawh kipawl khuamial ukte tawh ahi zongin, vantung tawh kipawl munah a om gilo khate tawh ahi zongin i kido hi.

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

Luka 1:79

A tung panin ni suakin eite kiangah hong tang ding hi,” ci-in a gen hi.

2 KORIN NIHNA 6:14

A thu-um lote tawh kipawlin kithutuak lo hakkol na puakhawm kei un. Bang hang hiam na cih uh leh, dikna thu in gitlohna tawh bang ci-a kigawm thei ding hiam? Khuavak in khuamial tawh bang ci kizom thei ding hiam?

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

ROM (Romans) 2:19

mittawte lam hilh mi, khuamial sungah a omte khuavaksak mi,

Johan 1:9

Khuavak taktak a om hi. Tua khuavakna in leitung a, piang mi khempeuh a vaksak hi.

Mattiu 4:16

Khuamial sungah a om mite in, Khuavakna a mu uh hi; Sihna liim gam sungah a tute tungah, Khuavak a taang zo hi,” a ci hi.

Isaiah 49:9

Thongkia mite tungah, ‘Hong paikhia un,’ ci-in, khuamial sunga om mite tungah, ‘Hong pusuak un,’ ka ci ding hi. Amaute pen lam tawntung ah an a ne, mualpawn a sang munte khempeuh ah, nuam takin a gamta tuute tawh kibang ding uh hi.

Galati 5:25

Eite in Kha Siangtho hangah nungta i hih leh, Kha Siangtho hangin gamta ni.

ROM (Romans) 1:21

Amaute in Pasian a thei uh hi napi-in Pasian phat ding a kilawm zahin a phat kei uh a, ama hehpihna phat lo uh tham loin, amau in mawkna-in a ngaihsun uh a, ciamteh thei loin amau lungsim uh a mial hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Isaiah 42:16

Amau’ theih loh lampi ah mittawte ka paipih ding a, amau’ theih ngei loh sul zuihpih-in ka kha ding hi. Amau’ mai-ah khuamial pen khuavak suaksakin, a phokna munte a tam-in ka bawl ding hi. Hihte pen keima hih ding nate hi a, tuate sem loin ka nusia kei ding hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Sawltak 17:30

Pasian in mihingte’ theih nai loh hun bang mahin a sim loh hangin tu-in amau mawhna kisik kik nadingun mun khempeuh mite kiangah thu a pia zo hi.

Late 74:20

Na thuciamna hong pingaihsut in; bang hang hiam cih leh leitung mun mialna khempeuh mi ngongtatte’ omna tawh kidim hi.

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.

Mattiu 3:8

Mawhna kisik kikna tawh kilawm gah na gah un.

Johan 12:35

Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

ROM (Romans) 13:12

Zan a bei dektak hi, sun hong nai zo hi. Tua ahih ciangin khuamial gamtatna paaikhia-in khuavak galnan’na silh ni.

Kolose 1:12

Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.