Efesa 5:3 - Tedim Bible

³ Numei tawh khialhna, lunggulh kihhuaina, apawl pawl huaihamnate, misiangthote in tan’ ding a kilawm ahih maninah kampau nangawnin kizom kei un.

Tedim Bible Revision 2017

³ Note pen Pasianʼ mi na hih manun note lakah nulepa khialhna, a kilawm lo-a gamtatna, huaihamna cihte genin zong na nei vet kei un.

Efesa 5:3 Referans Kwoze

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

Efesa 5:5

Bang hang hiam na cih uh leh, numei tawh a khial mi ahi zongin, mi kihhuai mi ahi zongin, milim bia mi ahi huaiham mi khat beek in Khazih leh Pasian’ Gam sungah luahna a ngah kei ding hi ci-in na thei uh hi.

1 THESALONIKA MASA 4:3

Pasian’ deihna in note in numei tawh khialhna tangin na sian’tho nading uh ahi zongin,

1 KORIN MASA 6:18

Numei tawh mawhna pan taikhia un. Mi in ahih theih khialhna a vekpi-in pumpi pua lamah om hi. Numei tawh a khial mi in ahih leh, ama pum tungah a khial hi.

1 THESALONIKA MASA 4:7

Pasian in kihhuaina-ah eite hong sam ahi kei hi, sian’thona-ah hong sam hi.

1 KORIN MASA 6:13

An leh tui in gilpi ading, gilpi in zong an leh tui ading ahih hangin tua tegel Pasian in a siasak ding hi. Pumpi in numei tawh khialhna ading ahi kei hi: Topa ading hi a, Topa in zong pumpi ading ahi hi.

Efesa 5:12

Bang hang hiam na cih uh leh, amaute in munbu-na sungah a gamtatnate uh gen ding nangawn a zumhuai ahi hi.

Mattiu 15:19

A hoih lo ngaihsutna, mithahna, mi’ zi tungah mawhna, numei tawh mawhna, mi’ sum gukna, zuauthu teci pan’na, mi gensiatna, tuate in lungsim sung pan a paikhia hi.

Mangmuhna 2:21

Tua numei a kisikkik nading hun ka hehpih zawh hangin, amah in a gitloh gamtatna a kisik nuam kei hi.

1 KORIN MASA 10:8

Tuate in numei leh pasal mawhna bawl uh a, nikhat sunga mi thennih le tulthum tak a sih uh bangin numei leh pasal mawhna hih kei ni.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Mangmuhna 2:14

Ahih hangin nangma tungah gen ding neukha a om hi. Bang hang hiam na cih leh, milim mai-ah biakna sa nek ding ahi zongin, numei leh pasal tawh khialhna gamtat ding ahi zongin, Israel mipawlte mai-ah suih khak nading Barak a hilh Balaam’ thu hilhna a zui mi kimkhat nangma sungah a om hi.

1 KORIN MASA 5:1

Numei tawh mawhna tham lo a pa’ zi, zi-a a nei Gentailte lak nangawn ah a kiza ngei lo mawhna, note lakah a om thu a kithang zo hi.

Ezekiel 33:31

Tua ahih ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kam-un hoih khem napi-in, a lungsim uhah amau’ meet nading bek ngaihsun uh hi.

Paikhiatna 20:17

“Na vengte’ inn na deihgawh kei ding hi; na vengte’ zi hita leh, ama' nasempa hita leh, ama' nasem nu hita leh, ama' bawngtal hita leh, ama' la hita leh, na vengte aa ahi na khat peuhpeuh na deihgawh kei ding hi,” a ci hi.

Mangmuhna 9:21

amaute thahnate, mi bumnate, numei leh pasal mawhnate, guktaknate zong a kisik kei uh hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

Hebru 12:16

numei gilo tawh a mawhte a om loh nading ahi zongin, khatvei neek bek tawh ama ta upa-za a zuak Esau bangin Pasian’ thu a simmawh mi a om loh nadingin kikemin kidawm un.

2 KORIN NIHNA 12:21

nidang hunin khialin kihhuai gamtatna, numei tawh mawhna, huk luatna, lan luatnate hih kha-in, tu dongin kisik lo-a om mi tampi hangin lungsim nuam loin ka thuum a, note mai-ah ka Pasian in kei hong niamkhiatin amaute hanga hong kidahsak khak ding ka lau hi.

Titu 2:3

Tua mah bangin numei teekte in zong Pasian’ thu tawh kilawm gamtatna a bawl nading, midangte a gendai loh theih nading, kham lua-a leenggahzu’ sila ahih loh nading, thu hoih a hilh theih nading tham loin, Pasian’ thu in gensiatna a thuak loh nadingin a khangno numeite in a pasal a it ding, a tate a it ding,

2 TIMOTI NIHNA 3:2

Bang hang hiam cih leh, mite in amau pumpi uh it mi, sum it mi, a kisathei mi, lungkhauh mi, mi gensia thei mi, a nute a pate thu a mang lo mi, hehpihna a phawk lo mi, a siangtho lo mi,

Sawltak 15:20

milim kihhuaite ahi zongin, numei tawh khialhna ahi zongin, gawl meek kithat sa ahi zongin, si ahi zongin, a tan’ nadingun a vaikhak ding kilawm ka sa hi.

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi leh sumgolh a mudah mi, misiamte na teelkhia ding hi; tua bang mite pen mi a tul, a za, a sawmnga, a sawmte' tungah a uk dingin na koih ding hi.

2 PETER NIHNA 2:14

Amaute in mi’ zi tungah mawh nop lunggulhna tawh a dim uh a, a kham thei lo mittang nei mi ahi uh hi. A kip lo mite a zol thei uh hi; huaiham luatna-ah a siam thei lungsim nei-in, hamsiatna’ tate ahi uh hi.

2 PETER NIHNA 2:10

atak takin ci leeng kihhuai deihgawhna tawh pumpi deihna zui-in, ukna thusim lo-a a dik lo mite thu a khen Ni dongin daantatsakin kikhum nading ahi zongin ahih thei hi. Tua mite in lau loin amau deihna a zui thei mi hi uh a, a lian a ukte a kosia ngam uh hi.

1 PETER MASA 5:2

Note lakah a om Pasian’ tuu honte cin’ nading thu panin, zawhthawhna tawh cing loin, a siangtho lo sum hauh nading hi loin, hehpihna lungsim tawh,

Titu 1:11

Tua mite kam kihu cip ding hi. Bang hang hiam na cih leh, amaute in sum siangtho lo hangin ahilh tuak lo thu hilhin, innkuanpih khempeuh lumlet thei uh hi.

Titu 1:7

Bang hang hiam na cih leh, Pawlpi siapa in Pasian’ neihsa kempa bangin mawhsak nading tawh a kipelh mi ahi ding hi. Ama deihna a zui mi, mi lungtom mi, zu ne a, a kitawng thei mi, midang a vua thei mi, a siangtho lo a deihgawh mi ahi kei ding hi.

1 TIMOTI MASA 3:3

Tua pa in zu ne loin, midang a sat a vua mi hi loin, a lungduai mi, thusia lamah a kiseel hat lo mi, sum a duh lo mi ahi ding hi.

Filippi 1:27

Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

ROM (Romans) 16:2

Misiangthote in ahih ding a kilawm bangin, Pasian hangah tua numei na tungsak un la, amah huh dinga a kisapnate khempeuh na huh ta un. Bang hang hiam na cih uh leh, amah in mi tampi ahi zongin, keimah ahi zongin hong huh mi ahi hi.

ROM (Romans) 6:13

Tua tham loin na pum tung nate in diklohna’ hiam a suah nadingun mawhna kiangah na pia kei un. Sihna pan a thokik mi bangin, Pasian kiangah na pumpi uh na pia un. Dikna’ hiam bangin Pasian kiangah na pumpi tung nate zong na pia un.

ROM (Romans) 1:29

diklohna tawh, gitlohna tawh, duhgawh huaihamna tawh, hazatna tawh, en’na tawh, mi thahna tawh, kitotna tawh, kheemna tawh, etsat muhdahna tawh a dim uh hi.

Sawltak 20:33

Kuama kham ahi zongin, ngun ahi zongin, puan ahi zongin ka deihgawh kei hi.

Luka 16:14

Dangka a deihgawh Farisaite in hih thu khempeuh a zak uh ciangin Zeisu a zahko uh hi.

Micah 2:2

Lo deih le uh, mi’ aa sut uh a, inn deih le uh, mi’ aa mah sut uh hi. Mite bawlsia-in, a inn leh a neihsa sut uh hi.

Jeremiah 22:17

Ahih hangin note in thu manlo tawh ngah nading ahi zongin, mimawh lote’ sisan luan’ nading ahi zongin, mi nuaisiahna leh ngongtat nading ahi zongin, na mitte uh leh na lungsim uh na zang uh hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Paunak 28:16

Ngaihsut siamna a nei lo gam ukpa in a gilo kumpi hi ding a, thuman lo-a ngahna a deih lo mipa in sau veipi uk ding hi.

Late 119:36

Nangma thuhilhnate’ lamah ka lungsim awnsak in la, ngah nading lamah awn sak kei in!

Late 10:3

Bang hang hiam cih leh migilo in a lungsim deihna kiphatsak pih a, ngah nading a huaihampa in, Topa phuisam-in taisan hi.

1 SAMUEL MASA 8:3

Ahih hangin a tapate amah bangin gamta lo uh a, meetna lamah kihei uh hi; amaute in sumgolh la-in thuman heikhia uh hi.

Joshua 7:21

Shinar panin vankila lakah puan hoih khat, leh ngun shekel zanih a gik, leh shekel sawmnga a gik kham tawn khat ka muh ciangin, tuate ka iplah a, ka la hi; en in, tuate ka puanbuk sung lei lakah a ngunte a nuai-ah omin kiseel hi,” a ci hi.

Gamlak-vakna 25:1

Shittim ah Israel mite a om lai takin mite in Moab tanute tawh paktat ding kipan uh hi.

Paikhiatna 23:13

Nang' tunga kong gente khempeuh thudon in; pasian dangte’ min genin nei kei in la, na kam sung panin zong tua bangte kizasak kei in.

1 TIMOTI MASA 6:10

Bang hang hiam cih leh, sum hauh nopna in khialhna pawl khempeuh bul ahi hi. Mi kimkhat in sum hauh nopna hangin upna lampi pan paikhia-in, lunggimna apawlpawl tawh amau pumpi uh a vut let zo uh hi.

Luka 12:15

Tua zawh ciangin Zeisu in, “Note in huaihamna khempeuh kikemin na tang un. Bang hang hiam na cih uh leh, mihing nuntakna in sum hauh nading ahi kei hi,” a ci hi.

Siampi Laibu 15:18

Pasal khat in numei khat tawh a lupkhawm khit ciangin, amaute gel tui sungah kisil ding uh a, a nitak mateng a nin hi ding uh hi.