Efesa 5:21 - Tedim Bible

²¹ Khazih zahtakna hangin khat leh khat nuai-ah na pumpi uh na kiniamsak un.

Tedim Bible Revision 2017

²¹ Khris na zahtakna uh hangin na thu uh na kimang tuak un.

Efesa 5:21 Referans Kwoze

Filippi 2:3

Huaihamna lungsim, a mawkna minthan’ deihna lungsim neihna tawh bangmah na hih kei un. Midangte in note sangin a phazaw hi ci-in lungsim niamkhiatna tawh khat leh khat na kingaihsun un.

Efesa 5:24

Ahih hangin pawlpi in Khazih’ ukna a man’ mah bangin zite in zong a pasalte uh ukna khempeuh mang ta uh hen.

Efesa 5:22

Zite aw, Topa’ ukna na man’ uh mah bangin na pasalte uh ukna na mang un.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

Hebru 13:17

No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

1 PETER MASA 2:17

Mikhempeuh zahtak un. Ute naute na it un. Pasian na kihta un. Kumpipa na zahtak un.

1 TIMOTI MASA 3:4

Amah in ama inn pha takpi-in uk zoin a tate, na khempeuhah khuaval loin, a uk thei mi ahi ding hi.

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

1 TIMOTI MASA 2:11

Numei in na khempeuh ah ukna mangin pau loin om hen.

1 KORIN MASA 16:16

tua bang mite’ ukna ahi zongin, nasepna ah a hahkat mi khempeuh a ukna uh ahi zongin na man’ nadingun ka hong thuum hi.

Paunak 24:21

Ka ta aw, Topa leh kumpipa zahtak khawm in la, amau a langpangte tawh kipawl kha kei in.

Nehemiah 5:15

Keima hun ma-in a ukte in mite tungah vangikpi suan uh a, amaute tung panin ni simin an leh lenggahzu ngun shekel sawmli man la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

2 KHANG TANGTHU NIHNATE 19:7

Tu-in note in Topa zahtak un la, na hihnate uhah kingaihsun un. Bang hang hiam cih leh Topa i Pasian in thuman hei khiatna, mi deidanna, leh sumgolh laknate deih lo hi,” a ci hi.

1 PETER MASA 2:13

Topa ading a lian bel kumpipa ahi zongin, a pha lo gamta mite daan pia ding leh a pha gamta mite pahtawi dingin kumpipa in a koih mangte ahi zongin, mite in a koih ukna nei khempeuh ahi zongin na mang un.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Nehemiah 5:9

Tua ciangin keimah in, “Note’ gamtatna hoih lo hi. I gal ahi mi namdangte’ zahkohna i ngah loh nadingin i Pasian zahtakna tawh na gamtat ding uh kilawm hi.

1 KHANG TANGTHU MASATE 29:24

Makaite khempeuh leh a thahat mite, leh Kumpi David’ tapate khempeuhte in zong Kumpi Solomon tungah a thuman ding uh thu ciam uh hi.

Piancilna 16:9

Topa’ vantungmi in ama kiangah, “Na tonu' kiangah ciahkik in la, ama' tungah ki-ap in,” ci hi.

2 KORIN NIHNA 5:11

Tua ahih leh, Topa kihtakna kote in thei-in midangte ka zol lai takun Pasian mai-ah ka kilang uh hi. Note lungsim mai-ah zong ka kilang uh hi ci-in ka um uh hi.