Efesa 5:2 - Tedim Bible

² Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Tedim Bible Revision 2017

² Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Efesa 5:2 Referans Kwoze

Johan 13:34

Thupiakna thak kong pia hi: Note khat leh khat na ki-it un la, keimah in note kong it mah bangin khat leh khat na ki-it un.

Galati 2:20

Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.

Kolose 3:14

Kicin’na tawh a kipawl pawlkhat suahna ahi ki-itna, tua nate tungah thuahin silh un.

2 KORIN NIHNA 2:15

Bang hang hiam na cih uh leh, eite in gupna a ngahte tungah ahi zongin, kisiatna a ngahte tungah ahi zongin Khazih-a namtui i hi hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

1 KORIN MASA 16:14

Itna lungsim tawh na khempeuh na hih un.

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

1 PETER MASA 4:8

Hihna khempeuh tham loin, note in khat leh khat nakpi-in na ki-it un. Bang hang hiam na cih uh leh, ki-itna in mawhna tampi a seel hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

1 JOHAN MASA 3:16

Khazih in eite tangding a nuntakna a paih maninah eite in itna i thei hi. Eite in zong ute naute tangding i nuntakna paih ding a kilawm hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Hebru 9:26

Tua banga bia hi leh, lei piancil akipan tam veipi sihna a thuak zo ta ding hi. Tu-in ahih leh, hun tawpna-ah khatvei bek a pumpi paai-in biakna tawh mawhna a paai siang dingin a kilang zo hi.

Hebru 9:14

tua tham loin, mawhna nei loin a tawntung Kha Siangtho tawh amahmah Pasian biakna-a kipia Khazih’ sisan in a nungta Pasian biak nadingin nomau pumpi kisuan’na lungsim uhah a om sihna tawh kipawl gamtatnate tawh kipelhin a siangthosak nadingin a bawl theizaw ding hilo ahi hiam?

1 TIMOTI MASA 2:6

Tua Zeisu in mi khempeuh tankhia dinginah ama pumpi a pia hi. Amah a hun a tun’ ciangin teci pang dingin a om hi.

Efesa 4:15

itna tawh thuman thutak geninah lutang ahi Khazih dongin na khempeuh i khan’ nading ahi hi.

1 JOHAN MASA 3:23

Ama thupiakna in a Tapa Zeisu Khazih’ min eite in umin, ama hong piaksa thu bangin khat leh khat ki-it nading ahi hi.

1 TIMOTI MASA 4:12

Khangno lai na hih hanginah kuamah kisimmawhsak kei in. Thugenna, gamtat ngaihsutna, midang itna, upna, siangthona sung pan a um mite ading limpha na suak in.

1 THESALONIKA MASA 4:9

Ute naute ki-itna thu ahih leh, note kiangah gelhin mi khatpeuh kong piak nading a om kei hi. Bang hang hiam na cih uh leh, note khat leh khat na ki-it nading uh Pasian’ hilhna a ngah mi na hi uh hi.

Efesa 4:2

Na khempeuh panin kiniamsakna tawh, lungnemna tawh, lungduaina tawh dimin, itna lungsim tawh khat leh khat kithuakin,

Efesa 3:17

upna hangin Khazih in note lung sungah a om nadingin, minthan’na tawh a dim mah bangin note hong pia-in, itna thu-ah zungkha-in, khuam zong kiphut kipin note in,

Galati 1:4

Tua Zeisu in Pasian’ deihna tawh kituakin a gilo ahi hih leitung pan eite hong gumkhia dingin ah eite khialhna ading ama pumpi kipia hi.

Siampi Laibu 1:17

amah in a khate-in balkeek ding a, ahih hangin baltat lo ding hi. Tua ciangin siampipa in mei tunga om sing tung, biakna tau tungah hal ding hi; tua pen Topa adingin a gim namtui, mei tawh biakna, meihal biakna ahi hi.

Siampi Laibu 1:13

ahih hangin a sungkuate leh a khete amah in tui tawh sil ding hi. Siampipa in a vekpi-in pia-in, biakna tau tungah tuate hal ding hi; tua pen Topa adingin a gim namtui, mei tawh kihal biakna, meihal biakpiakna ahi hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

Hebru 9:23

Tua ahih ciangin vantungah a om nate limte in tuate tawh a siangthosak hi. Ahih hangin vantung nate ahih uh leh, a phazawte tawh a siangthosak hi.

Efesa 3:19

nomau pilna tawh na theih zawh loh uh Khazih’ itna na theih tel nading uh ahi zongin, note in hih thei-in Pasian’ kicin’na a om khempeuh tawh na kidim nading uh thu ka ngen hi.

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

Amos 5:21

Na biakna pawite uh mudahin ka deih kei a, na biak kikhopna te uhah ka lung a kim kei hi.

Siampi Laibu 1:9

ahih hangin a sungkuate leh a khete tui tawh sil ding hi. Tua ciangin siampipa in mei tawh kihal biakna, Topa adingin a gim namtui, meihal biakna-in biakna tau tungah tuate a vekpi-in hal ding hi.

Efesa 5:25

Pasalte aw, Khazih in pawlpi a it mah bangin na zite uh na it un.

1 KORIN MASA 5:7

Note in silngo tawh na kipelh mah bangun annel sial thak na suah theih nadingun silngo lui na mangsak khin un. Bang hang hiam na cih uh leh, Khazih ahi eite Paisan’ Tuuno a kigo zo hi.

ROM (Romans) 4:25

Tua Topa in eite khialhna hangin kipia a, eite in dikkisakna i ngah nadingin a kithosak kik hi.

Johan 6:51

Keimah in vantung pan hong kumsuk nuntakna khomun ka hi hi. Hih khomun a nete in a tawntungin a nungta ding hi. Ahi hi. Ka hong piak khomun in leitung mite’ nuntak nading ka piak ka sa ahi hi,” a ci hi.

ROM (Romans) 8:37

Khen thei lo ding hi! Ei hong itpa hangin hih nate khempeuh tungah gualzo pente i hi hi.

Siampi Laibu 3:16

Tua ciangin siampipa in a gim namtui dingin mei tawh kihal an tawh biakna-in biakna tau tungah hal ding hi. A thau khempeuh Topa’ aa ahi hi.

Paikhiatna 29:18

biakna tau tungah tuutal a bup-in na hal ding hi; tua in Topa’ tungah meihal biakna ahi hi; tua in a gim namtui, Topa’ tungah mei tawh kihal biakna ahi hi.

Paikhiatna 29:25

Tua ciangin nangmah in amau' khut sung panin tuate na la ding a, Topa' mai-ah a gim namtui dingin biakna tau tungah meihal tawh kihal biakna ban-ah na hal ding hi; tua in Topa' tungah mei tawh kihal biakna ahi hi.

ROM (Romans) 15:16

keimah in Pasian’ Lungdamna Thuhilh na semin Gentailte tungah Khazih’ nasem ka hih nading, Pasian in kei hong piak hehpihna thupha hanginah ute naute aw, note hong phawksak kikin, lau loin lai ka gelh hi.

2 KORIN NIHNA 2:14

Khazih tawh zawhna pawikhamna-ah kote a tawntung hong paipih a, tua Topa theihtelna namtui, ko hangin mun khempeuh ah a kizeelsak Pasian’ hehpihna phatna a om hi.

Efesa 5:15

Tua ahih ciangin note in bang na ci gamtat uh hiam na kikem un. Pilna nei lo bang hi loin, pilna nei bangin na hi un la,

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Hebru 8:3

Siampi ukpa khempeuh in biakna leh piakna pia dingin a kikoih ahih ciangin hih siampi ukpa in zong biak nading na khatpeuh mah a nei ding hi.

Gamlak-vakna 7:21

meihal biak nadingin bawngtalno khat, tuutal khat, kum khat a pha tuuno a pa khat;

Thu-hilhkikna 27:6

Topa na Pasian uh adingin a kiseek lo suangtumte tawh biakna tau na bawl ding uh hi; tua biakna tau tungah Topa na Pasian uh adingin meihal biaknate na pia ding uh hi;