Efesa 5:13 - Tedim Bible

¹³ A om na khempeuh in a mawhna a kilat ciangin khuavak tawh a kilang hi. Kilatna a ngah khempeuh in khuavak ahi hi.

Tedim Bible Revision 2017

¹³ Na khat peuhpeuh khuavak ah pusuah lehang a pianzia man taktak hong kilang hi.

Efesa 5:13 Referans Kwoze

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

Hosea 2:10

Tua ciangin ama it pasal dangte’ muhna-ah a puante hawk khiatsakin a guak tangin ka om sak ding a, kuamah in kei’ khut sung panin amah honkhia zo lo ding hi.

Hosea 7:1

Israelte a ci uh damsak kik ning, ci-in ka ngaihsut ciangin, amau’ mawhna leh amau’ siatna bekbek kimu thei hi. Amaute in mi khemin, inn luhin na gu uh a, konglak nangawn-ah mi’ na sut uh hi.

Micah 7:9

Amah in ka thu hong sun’sakin, kei adingin thu hong khensak mateng Topa’ hehna ka thuak ding hi; bang hang hiam cih leh ama’ tungah ka mawh khin zo hi. Amah in khuavak ah hong paipih ding a, ama’ hotkhiatna ka mu ding hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Hebru 1:13

Tua tham loin: “Na galte khempeuh na khe nuai-ah Ka koih matengin, Ka ziat lamah na tu in,” ci a, kua vantungmi khatvei beek thupia ngei ahi hiam?

Efesa 5:12

Bang hang hiam na cih uh leh, amaute in munbu-na sungah a gamtatnate uh gen ding nangawn a zumhuai ahi hi.