Biblia Todo Logo
Bib sou entènèt

- Piblisite -




Efesa 5:11 - Tedim Bible

11 a gah nei lo khuamial gamtatna tawh kipawl lo tham loin, tua gamtatna a mawhna na lak un,

Gade chapit la Kopi

Tedim Bible Revision 2017

11 Khuamial gamtatna, bangmahin a kimang lo nasepnate su vet kei unla, tua bang gamtatnate a hoih lohna pholak zaw un.

Gade chapit la Kopi




Efesa 5:11
48 Referans Kwoze  

Zan a bei dektak hi, sun hong nai zo hi. Tua ahih ciangin khuamial gamtatna paaikhia-in khuavak galnan’na silh ni.


Midangte in zong a lau theih nadingun, a khial mite, mi khempeuh mai-ah na taai in.


Ute naute aw, kote kiangah na san’ uh ngeina thu bangin a gamta lo, thadahin a zulhtat ute naute khempeuh na pel un ci-in i Topa Zeisu Khazih’ min tawh thu kong pia uh hi.


Ute naute aw, na san’sa uh thuhilhna tawh kituak lo, kikhenna leh pukna a bawl thei mite ciamteh un la, tang un, ci-in kong thuum hi.


Tua lai takin vantung pan aw khat ka zak in, “Ka mipawlte aw, tua khuapi gilohnate tawh na kipawl loh nading uh ahi zongin, ama pulnatnate na thuak loh nading uh ahi zongin, pusuakin hong paikhia un.


Hih thute hilhin, hansuahin zol in, thuneihna aana khempeuh tawh amaute na taai in. Kuamah kisimmawhsak kei in.


Hih lai sungah ka gelh uh thupiaknate mi khat peuhmah in a ngaih kei leh, tua mi na ciamteh un; a maizum nadingin amah tawh na kipawl kei un.


Tua ahih leh, tu-in zumhuai na sak uh tua gamtatna na bawl lai takun, bang phattuamna na ngah uh hiam? Tua gamtatnate’ tawpna lampi in sihna ahi hi.


Pasian thu hilh in, a hun a om zongin a om kei zongin hahkatin mawhna lakin, taai in; lungnemna khempeuh tawh thu hilhin hansuah in.


Pasian biakna puatham teng zui uh a, ahih hangin a vangliatna a nial mi ahi ding uh hi. Tua bang mite na peel in.


Ama pumpi ading khaici a vawh mi in ama ci-le-sa hangah muatna a at ding hi. Kha Siangtho hangah khaici a vawh mi in Kha Saingtho hangah nuntak tawntungna a at ding hi.


Kihilhhilh napi-a a mang nuam lote, bawl phatkik zawh nawn loh dongin kisia ding hi.


Thu kihilhna zui lo mi in zawn’na leh mindaina ngah a, thu kihilhna a zui mi in minphatna leh pahtawina ngah hi.


“Note in na lungsim sung uhah na sanggampa uh mudah loin, na vengte uh tawh na thu kituah lohna uh kikum khawmin na siangsak ding uh hi; tua hi kei leh ama hangin khialhna na pua ding uh hi.


Bang hang hiam na cih uh leh, a ihmu mite in zanin a ihmu thei uh hi. A kham a guite in zong zanin a kham thei uh hi.


Ahih hangin, menzipa in a nau’ zi Herodias leh ama mawhna teng hangin Johan in taai ahih ciangin,


Tua ahih ciangin amaute tawh na gamta khawm kei un.


Hilhna a sangthei mipa’ adingin a pil thuhilhpa in, kizepna kham bilbah tawh kibang hi.


Mi phapa kei hong vuasak in la, ahih hangin migilopa ka lu sathau nilh sak ngei kei in; bang hang hiam cih leh amau’ gitloh gamtatnate lang pangin thu ka ngenngen hi.


Sarah’ kiangah, “En in, na sanggampa’ tungah ngun shekel tul khat ka pia khin hi; nang tawh a om mite khempeuh’ mai-ah nangma' dikna a kilatna ahi hi; mi khempeuh’ mai-ah nang a manin hong kibawl hi,” amah in ci hi.


Thu theilote in satna tawh pilna ngah zo bek a, thu ngaihsunte in taina lel tawh pilna ngah zo uh hi.


A kihisak mite in kithuhilhna ngai nuam lo uh a, mipilte kiangah thu dong ngei lo uh hi.


“Na u na nau in na tungah hong khialh leh, ama kiangah pai in la, no gel bek omin ama mawhna pulakin thu hilh in. Amah in na thu hong man’ leh, na u na nau na ngah zo hi.


Mi gualnuam mawkmawkte tawh ka kikhawl kei a, zong ka lungdam kei hi. Nangmah in na khut ka tungah hong nga-in, hehna tawh hong kidimsak na hih manin, kei guak bek ka tu hi.


na gamtatna bangun na thuak ding uh a, nomau’ gamtatna mah in note hong gimsak ding hi.


Tuate in Pasian biakna lamah nopsakna in sum hauhna hong piangsak hi ci-in a um uh hi.


Ka ta aw, mihoih lote in hong zol ciangin, amau’ zolna zui kei in.


Thukham zui lo mite in migilote pakta uh a, thukham zui mite ahih leh migilote tawh kilemlo uh hi.


Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.


Bang hang hiam na cih uh leh, amaute in munbu-na sungah a gamtatnate uh gen ding nangawn a zumhuai ahi hi.


Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.


Thu ngaihsun masa loin kuama tungah a manlangin khutngakna nei kei in. Midangte mawhna tawh na kikum kei in, nangma nuntakna siangtho sak in.


Swiv nou:

Piblisite


Piblisite