Efesa 5:10 - Tedim Bible

¹⁰ Topa lungdam sakna in bang ahi hiam ci-in kanin,

Tedim Bible Revision 2017

¹⁰ Bang teng in Topa lungkimsak ahi hiam, ci-in kan un.

Efesa 5:10 Referans Kwoze

Hebru 12:28

Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

Late 19:14

Topa, ka suangpi leh keimah hong tankhiapa aw, ka kammal leh ka lungsim ngaihsutnate nangma muhna-ah san’huai suak sak ta in!

1 PETER MASA 2:20

Mawhna na bawl manunah daan na thuak uh ciangin lungnemin na thuak uh leh, bang phattuamna a om hiam? A pha na bawl uh a, gimna na thuak uh ciangin lungnemin na thuak uh leh, Pasian mai-ah phatna na ngah ding uh hi.

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

1 THESALONIKA MASA 5:21

Na khempeuh sinin ahoih nate na len tawntung un;

1 TIMOTI MASA 2:3

Tua bang hihna in hihna pha hi a, eite hong Honpa Pasian’ deihna tawh kituak ahi hi.

ROM (Romans) 14:18

Tua bang gamta a, Khazih’ na a sem mi in Pasian lungdam sak a, mite mai-ah minphathuai ahi hi.

Paunak 21:3

Topa in biakpiakna sangin, thuman thutang deihzaw hi.

1 TIMOTI MASA 5:4

Ahih hangin ta leh tu a nei meigongnu ahih leh, a tute a tate in a masa-in amau innkuanpihte zahtakin, a pa, a pite’ hehpihna thukkik nading sin uh hen. Bang hang hiam cih leh, tua bang hihna in Pasian mai-ah a deihhuai ahi hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

1 SAMUEL MASA 17:39

Tua ciangin David in a galdalnate tungah a namsau khih a, amah kingeinaseh lo ahih manin lam pai dingin a kithawi leh pai thei lo hi. Tua ciangin David in Saul kiangah, “Hihte tawh ka pai thei kei hi; bang hang hiam cih leh ka kingeinaseh kei hi,” a ci hi. David in tuate suahkhia hi.

Isaiah 58:5

Maugua kun bangin na lu uh kunsakin, puanhampi leh vut tungah lumin, nomau na kiniamsak tawmnate uh kei’ deih antan’na sa na hi uh hiam? Hih bang hihna pen antan’na leh Topa’ san’ theih hi ci ding na hi uh hiam?

Kolose 1:10

Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,