Efesa 4:8 - Tedim Bible

⁸ Tua ahih ciangin Lai Siangtho in: “A sang munah amah a kahtoh ciangin, mi tampi manin paipih a, mite kiangah thupha letsong a pia hi,” a ci hi.

Tedim Bible Revision 2017

⁸ Tua ahih manin Lai Siangtho sungah, “A sangna munah a pai toh ciangin mat sa salte tampi paipih a, mite tungah letsong a pia hi,” ci-in na kigelh hi.

Efesa 4:8 Referans Kwoze

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mite leh mi lehdote’ tung nangawn panin piakkhong nate na ngah hi.

Kolose 2:15

A sangbel vangliatna leh uknate a laksak khit ciangin, kitel takin lak a, singlamteh hangin zawhna pawi a khaam hi.

1 SAMUEL MASA 30:26

David in Ziklag a tun’ ciangin Judah upa a lawmte kiangah a na lakte pawlkhat khakin, “Topa’ galte’ na a kila sung panin hih lai-ah note ading letsong a om hi,” a ci hi;

Esther 2:18

Tua ciangin kumpipa in Esther pahtawina-in ama uliante leh a nasemte khempeuh’ adingin pawi lianpi khat bawl hi. Amah in ama ukna gam khempeuh ah tua ni nasep khawlin zum a khak nading uh zong thu zasak kim a, kumpipa’ min tawh a kilawm a kituak letsongte zong hawmkhia hi.

Thukhente 5:12

“Khanglo in, khanglo in, Deborah! Khanglo in, khanglo in, la khat sa in! Tho in, Barak, na gal matte pai khiatpih in, Abinoam’ tapa aw.

Paunak 30:4

Vantungah kua kah to a, leitungah hong kumsuk kik ahi hiam? Kua in a khut sungah huihte lomcip a, puanin tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh, a tapa’ min bang ahi hiam?

Efesa 4:11

Khazih’ pumpi lamin nasep nading ahi zongin, misiangtho kipsak nading ahi zongin amah in mi kimkhatte sawltak za ahi zongin, mi kimkhat kamsang za ahi zongin, mi kimkhat Lungdamna Thu, thuhilh za ahi zongin, mi kimkhat pawlpi kem Sia za leh laihilh za ahi zongin a koih hi.