Efesa 4:5 - Tedim Bible

^5-6 Topa khat bek, upna khat bek, baptaizna khat bek, mi khempeuh tungah a om, mi khempeuh lakah a kizeel, mi khempeuh sungah a om, mi khempeuh’ Pa ahi Pasian khat bek a om hi.

Tedim Bible Revision 2017

⁵ Topa khat bek, upna khat bek, tuiphumna khat bek mah a zangkhawm ihi hi.

Efesa 4:5 Referans Kwoze

1 KORIN MASA 8:6

Pasian khat bek ahi Pa sung pan na khempeuh piang a, amah bek adingin eite i om a, tua Pasian khat bek i nei hi. Topa khat bek hangin eite akipan na khempeuh a pian’na, Zeisu Khazih khat bek i nei hi.

1 KORIN MASA 12:13

Bang hang hiam na cih uh leh, Judah mi hi taleh, Grik mi hi taleh, sila hi taleh, to nei lo hi taleh, eite khempeuh in Kha Siangtho khat bek tawh pumpi khat sungah baptaizna i ngah a, eite khempeuh in Kha Siangtho khat sung pan i dawn hi.

1 PETER MASA 3:21

Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.

ROM (Romans) 3:30

Tua Pasian in upna bangin vun atte leh vun at lote a dik a sa ding hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

1 KORIN MASA 1:13

Khazih a kikhen hiam? Paul in note tang dingin singlamteh tungah a si hiam? Ahih kei leh, Paul’ min tawh kibaptaiz na hi uh hiam?

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.

2 KORIN NIHNA 11:4

No omna-ah a hong pai mi in ko hong hilh loh Zeisu khat hong hilh zongin, na ngah ngei loh uh Kha Siangtho na ngah uh zongin, na ngaih nai loh uh Lungdamna Thu na ngai uh zongin tua-pa na thuak thei uh hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Efesa 4:13

Bang hang hiam na cih uh leh, eite khempeuh in thu-upna lamah ahi zongin, Pasian’ Tapa theihna ah ahi zongin, kipum khatin Khazih’ kicin’na lim mun ahi, a khangham mi suahna i tun’ dongin i piang hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

1 KORIN MASA 12:5

Nasepna za atuam atuam a om hangin Topa khat bek a om hi.

1 KORIN MASA 1:2

Khazih Zeisu hangin mawhna tawh kipelh, misiangtho dinga hong koih ahi Korin khua ah a om Pasian’ pawlpite akipan, mun khempeuh ah eite Topa bek hi lo amau Topa zong ahi, Topa Zeisu Khazih kiangah thu a ngen mi khempeuhte kiangah thu kong zasak uh hi.

Juda 1:20

Ka itte aw, note in na hih uh leh, a siangtho mahmah upna tungah na pumpi uh lamin, Kha Siangtho tawh thungenin,

Hebru 13:7

Pasian’ thu note kiangah hong hilh uh a, note hong uk ngei mite na ngaihsun un. Amaute in bangci gamtatin a si uh teltakin lungngai un la, amau upna lim na zui un.

Titu 1:4

A kibang khawm upna thu sungah ka ta taktak ahi Titu kiangah thu ka hong zasak hi. Pa Pasian leh eite Honpa Khazih Zeisu kiang pan hehpihna thupha leh nopna nangma tungah om ta hen.

Titu 1:1

Zuauthu a gen thei lo Pasian in tanglai hun a tun’ ma-in thuciam a, eite Honpa Pasian’ thukham bangin kei hong piak thuhilhna tawh a kilawm hunte-ah, Pasian thu a latsakna tawh a kipawl, nuntak tawntungna lamenin, Pasian biakna lamah nopsakna tawh a kipawl thuman thutak theih nading ahi zongin, Pasian’ teel mite’ up nading ahi zongin, Pasian’ sila ahi Zeisu Khazih’ sawltak keimah Paul in:

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Sawltak 2:36

Tua ahih ciangin note in singlamteh tungah na thah uh Zeisu pen Pasian in Topa leh Khazih a suaksak hi ci-in Israel mi khempeuh in a man takpi thei ta uh hen,” a ci hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Jeim 2:18

Ahi hi, khat in, “Nangmah in upna na nei hi. Kei ka hih leh, gamtatna hoih ka nei hi: hong ci ding hi. Gamtatna hoih om lo na upna hong lak in. Keimah in ka hih leh, ka gamtatna tawh ka upna ka hong lak ding hi.