Efesa 4:3 - Tedim Bible

³ kilem a, kipawlin, kikhopna hangin note in Kha Siangtho hanga na ngah uh pum khat bek ahihna na zuih nadingun na hahkat un.

Tedim Bible Revision 2017

³ Kha Siangtho kimakai sakin, khatlekhat kilemin pawl khat na hihna uh na kipsak tawntung un.

Efesa 4:3 Referans Kwoze

1 KORIN MASA 1:10

Ute naute aw, note khempeuh in kam kikhat na gen uh a, kikhenthang loin, lungsim kikhatin, kiciamtehna kikhatin, kicing takin na om nadingun i Topa Zeisu Khazih’ min tawh kong thuum hi.

Hebru 12:14

Mi khempeuh tawh kilemin nopsakna ahi zongin, a siangtho gamtatna ahi zongin na phak matengun delh un. Tua siangtho gamtatna a om kei leh, kuamah in Pasian a mu thei kei ding hi.

Johan 13:34

Thupiakna thak kong pia hi: Note khat leh khat na ki-it un la, keimah in note kong it mah bangin khat leh khat na ki-it un.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

1 THESALONIKA MASA 5:13

a bawlnate hangah ki-itna lungsim tawh na zahtak nadingun, kote in kong thuum uh hi. Khat leh khat kilemin na om un.

Efesa 4:4

Note hong sapna lametna khat bek hangah hong koih ahih mah bangin, pumpi khat, Kha Siangtho khat bek a om hi.

Efesa 4:13

Bang hang hiam na cih uh leh, eite khempeuh in thu-upna lamah ahi zongin, Pasian’ Tapa theihna ah ahi zongin, kipum khatin Khazih’ kicin’na lim mun ahi, a khangham mi suahna i tun’ dongin i piang hi.

Paikhiatna 28:32

Puan ngawng bangin a kikeek loh nadingin a ngawng kimkotah a kigan tawh a kizim, lutang thawl a vang nei ding hi.

1 KUMPI MASATE 16:21

Tua ciangin Israel mite pawl nihin kikhen uh hi; mi a kimkhat in kumpi-in a bawl dingin Ginath’ tapa Tibni zui uh a, a kimkhat in Omri zui uh hi.

Thuhilh-sia 4:12

Mi khat bek hi leh zawh nop kisa a, nih pha leh kizo zo lo hi. Zang thum-a kiheek khauhual bawhsat hak hi.

Marka 3:24

Gamkhat sung mi kilem loin a kikhen leh, a kip zo kei ding hi.