Efesa 4:25 - Tedim Bible

²⁵ Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.

Tedim Bible Revision 2017

²⁵ Tua ahih manin zuaugen nawn kei unla, Khris pumpi nate ihihna hangin pawl khat ihih manin khatlekhat tungah thuman kigen ni.

Efesa 4:25 Referans Kwoze

Kolose 3:9

Khat leh khat zuauthu kigen kei un. Bang hang hiam na cih uh leh, note in mi lui gamtatna leh mi lui pum suahkhia-in, a hong piangsakpa’ lim bangin, pilna maan adingin a kibawlpha mithak a sillh mi na hi uh hi.

Zekhariah 8:16

Note, hih bangin gamta un: Note khat leh khat tungah thuman thutak kam kipau un. Thukhenna zumah, kilemna a piangsak ding thutang zang un.

Paunak 12:22

Topa in zuau gen mite mudah a, mi citakte tungah lungdam hi.

ROM (Romans) 12:5

a tampi ahi eite in Khazih sungah pum khat bek i hi a, i vekpi-in pumpi’ nate i hi hi.

Efesa 4:15

itna tawh thuman thutak geninah lutang ahi Khazih dongin na khempeuh i khan’ nading ahi hi.

Paunak 12:17

Thuman mite in thu taktak mah gen uh a, zuau tecite in khemna thu bek gen uh hi.

Paunak 8:7

Ka thugente a maan bekbek hi a, zuauthu ka deih kei hi.

Paunak 12:19

Thuman genna kip tawntung a, thuzuau genna tomno sung bek kimang hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

1 TIMOTI MASA 4:2

amau lungsim uh kisuan’na-ah sik sa tawh ciamtehna a ngah khit uh ciangin, zuauthu a gen thei mite’ simtatna hangin mi kimkhat in upna thu zui nawn loin, a kheem thei khate ahi zongin, dawigilote’ thuhilhna ahi zongin a ngai ding uh a, kiteen’ loh nading ahi zongin, thuman thutak um-a a thei mite in hehpihna phat-a a neek ding uh Pasian’ bawlsa an pawl pawlte tan’ ding ahi zongin, a kham ding uh hi.

Siampi Laibu 19:11

“Note na guta kei ding uh hi; khat leh khat na kikhem kei ding uh a, khat leh khat tungah thuzuau na kigen kei ding uh hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

2 KORIN NIHNA 7:14

Keimah in note hangin ka kisaktheihna kam ama kiangah ka gen zo ahih ciangin tu-in ka zum nading a om kei hi. Kote in na khempeuh note kiangah thuman kong gen uh bangin Titu mai-ah ka kisaktheihna kam zong a mantak ahih lam a kitel hi.

Titu 1:12

Amau lakah amau mipawl ahi kamsangpa khat in: “Krete mite in a zuau thei mi, ganhing gilo, anhai thadah mi ahi uh hi,” a ci zo hi.

1 KORIN MASA 10:17

Khomun pumkhat bek om a, eite khempeuh in pumkhat bek i hi a, tua khomun zomin i ne ahih ciangin a tampi ahi eite in pumkhat bek i hi hi.

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Zekhariah 8:19

amah in, “Kha lina, kha ngana, kha sagihna, leh kha sawmna sunga antan’nate pen, Judah gam mite’ adingin lungdamin kipakin pawi bawlna hun suak ta ding hi. Tua ahih manin thuman leh kilemna deih pha un,” hong ci hi.

Hosea 4:2

Mite in thuciamna bawl napi-in a thuciamte uh palsat uh hi; zuau genin, mi thatin, guta-in, nu-le-pa mawhna bawl uh hi; a sia khat khit a sia khat a ban banin gamta-in a mawhna uh kibehlap lap hi.

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” ci hi. Tua ahih manin a lungkhamna panun amaute a honkhia suak hi.

Isaiah 9:15

Upate leh a zahtak huai mite pen a lutang hi a, zuauthu a hilh kamsangte pen a mei ahi hi;

Paunak 21:6

Zuau genna tawh hauhna in beimang pak a, sihna khuk sung hong tun’pih hi.

Paunak 6:17

kihihsakna, zuauthu genna, mawhnei lo mi thahna,

Late 119:29

A man lo lampite ka zuih khak loh nadingin hong kem in; hong hehpih in la, na ngeinate kei hong hilh in.

Late 52:3

Nang in hoihna sangin siatna na deihzaw a, thuman genna sangin zuauna na deihzaw hi.

Efesa 5:30

Eite in Topa’ pum tung nate i hi hi.

1 KUMPI MASATE 13:18

Tua ciangin amah in ama kiangah, “Kei zong nangmah bangin kamsang khat ka hi a, Topa’ thu tawh vantungmi khat in kei tungah thu hong gen a, ‘Amah in an leh tui ne-in a dawn theih nadingin na innah amah paipih kik in,’ hong ci hi,” a ci hi. Ahih hangin amah in ama tungah zuau genin a phuahtawn ahi hi.

Paikhiatna 23:7

A man lopi-a mi mawhsak ding panin kikem un la, a dikpa leh thumanpa that kei un, bang hang hiam cih leh gilo mi ka khah kei ding hi.

Late 15:2

Paubang loin gamta-in, a manin na sem a, lungsim tak a gen mi,

Paunak 24:28

Thu kician om lopi-in na vengpa langkhatah teci pang kei in la, ama siat nadingin zuauthu gen kei in.

Efesa 4:31

Kimuhdahna khempeuh, hehna khempeuh, thangpaihna khempeuh, han’sanna khempeuh, mindai nading mi gensiatna khempeuh, hazatna khempeuhte note kiang pan na paaikhia un!

Kolose 3:8

Tu-in ahih leh, tua khialhna khempeuh ahi zongin, hehna, thangpaihna, hazatna, mindai nading gensiatna, kam kihhuai zatnate ahi zongin, na muk uh pan paaikhia un.

Hebru 12:1

Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in

Jeim 1:21

Tua ahih ciangin a kihhuai na khempeuh leh hazat luatna lungsimte paaikhia-in, na kha uh hong gum thei note’ lung sungah a kituh Pasian’ thu lungnemna tawh na sang un.

1 PETER MASA 2:1

Tua ahih ciangin Topa in a pha hi ci-in note in na ciam zo uh ahih leh, gitlohna khempeuh, mi kheemna leh simtatna leh en’na khempeuh, gensiatna apawl apawl khempeuh note in paaikhia-in hong gupkhiatna ah na khan’toh nadingun Pasian’ thu nawizu siangtho a duh a suak tung naupangte bangin lungsim na nei un.

Thukhente 16:11

Amah in tua nu kiangah, “Amaute in a kizang nai lo khauhual thakte tawh kei hong hen leh ka tha neem ding a, midang mah ka bang ding hi,” a ci hi.