Efesa 4:21 - Tedim Bible

^21-24 Nidang lai-inah na gamtatna uhah a hong khem thei huaihamna lungsim hangin a muat thei mi lui suahkhia-in lungsim ngaihsutna thak na ngah khit uh ciangin, thuman thutak tawh kipawl dikna leh siangthona hangin Pasian tawh a kibanga kibawl mi thak na silh nadingun Zeisu’ thu na zak na ngaih uh ciangin, Zeisu-a thuman thutak a om mah bangin tua Topa kiangah thu na sin un.

Tedim Bible Revision 2017

²¹ Note in Khris thu na zak sa uh hi a, ama nungzui na hih manun Jesuʼ thutakna na theih sa uh ahi hi.

Efesa 4:21 Referans Kwoze

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

Efesa 1:13

Note in zong note hong gupna thu tawh kipawl Lungdamna Thu ahi thuman thutak ngai-in, tua Khazih na up khit uh ciangin thuciamna tawh kipawl Kha Siangtho-a ciamtehna na ngah zo uh hi.

Johan 14:17

Tua Kha Siangtho leitung mite in mu loin thei lo uh ahih ciangin a sang zo kei uh hi. Tua Kha Siangtho in note tawh omkhawmin, note sungah om ding ahih ciangin amah na thei ding uh hi.”

2 KORIN NIHNA 11:10

Khazih’ thuman thutak in keima sungah a om mah bangin Akhaia gamah hi bang ka kisaktheihna kuamah in hong khaam zo kei ding hi.

2 KORIN NIHNA 1:20

Thuciamnate in bang zahin a tam hangin Pasian’ minthan’na kilatsak nadingin, “Ahi hi,” cih ding ahi zongin, kote hangin, “Amen,” cih ding ahi zongin ahi hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 10:27

Ka tuute in keima aw a ngai uh a, ka tuute ka thei a, keima nung hong zui uh hi.

Johan 1:17

Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Luka 10:16

Note thu a ngaite in ka thu a ngai hi. Note hong nolhte in kei zong hong nolh hi. Kei hong nolhte in kei hong sawlpa zong a nolh hi,” ci-in Zeisu in a gen hi.

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Late 45:4

Thumanna a om nading leh thuman hu’ dingin na minliatna tawh gualzo-in hong pusuak in la, dipkuat-huai hih nate na taklam khut nangmah kihilhsak in!

ROM (Romans) 10:14

Ahih hangin a thu-um lo mite in bang a ci thunget ding uh hiam? A thu a zak ngei loh uh Topa bang ci a um thei ding uh hiam? A hilh mi om kei leh, bang ci a za thei ding uh hiam?

Efesa 2:17

Amah hong kumsuk a, a gamla-in a om mite kiangah ahi zongin, a nai-in a om mite kiangah ahi zongin gal kilemna Lungdamna Thu a hilh hi.

Kolose 1:6

Tua thu in leitung khempeuh ah a kizelh khit mah bangin, note kiangah zong hong tung zo hi; note’ sungah hih Lungdamna Thu in a gah gahin, a khan’ toh mah bangin mi khempeuh tungah zong a piang thei hi.